गाउँमा महिला प्रहरीको माग


प्रकाशित मिति :2015-08-25 11:19:05

महिला खबर

लमजुङ्ग, भाद्र ८ । लमजुङ्गका गाँउ गाँउमा स्थानीयले महिला प्रहरीको माग गरेका छन् । पछिल्लो समय गाउँमा महिला हिंसाका घटना बढ्न थालेपछि स्थानीयले जिल्ला प्रहरी कार्यालयसँग प्रत्येक प्रहरी चौकीमा महिला प्रहरी हुनुपर्ने माग गरेका हुन् ।

कार्यालयले नागरिकको घरदैलोमा प्रहरी कार्यक्रम संचालन गरी गाउँ गाउँमा प्रहरी पुग्न तथा जन गुनासा सुन्न आयोजना गर्दै आएको नागरिक सुनुवाइ कार्यक्रमा सहभागिले प्रहरी चौकीमा कम्तिमा एक जना महिला प्रहरी खटाउनु पर्ने माग गरेका हुन् ।
महिलासँग प्रत्यक्ष जोडिएका कतिपय घटना पुरुष प्रहरीसमक्ष भन्न असहज हुने तथा पुरुष प्रहरीसँग खुलेर बहस हुन् नसक्दा अनुसन्धानमा समेत प्रभाव पर्ने सक्ने कुरालाई ध्यान दिदै स्थानीयले महिला प्रहरी माग गरेका हुन् ।

सुन्दरबजार नगरपालिकाका सामाजिक कार्यकर्ता भूमिनन्द तिमिल्सिनाले समाजमा महिला हिंसाका घटना बढेकाले त्यसको न्यूनिकरणलागि महिला प्रहरीको आवश्यकता रहेको बताउनु भयो । ‘प्रभावकारी न्यायकालागि प्रहरी चौकी महिला मैत्री हुन जरुरी छ ’ तिमिल्सिनाले भन्नुभयो ।

जिल्लामा महिला प्रहरीको दरबन्दी कम भएकाले गाउँगाउँमा महिला प्रहरी खटाउन नसकिएको प्रहरी नायब उपरीक्षक शम्भुप्रसाद ढकालले बताउनुभयो ।
लमजुङ्गमा २३ महिला प्रहरीको दरबन्दी रहे पनि हाल १७ महिला प्रहरी कार्यरत छन् । विकट क्षेत्रमा बच्चासँग, गर्भवती तथा विवाहित महिला प्रहरीचौकीमा पठाउँदा समस्या हुने कारणले महिला प्रहरीको माग हुँदा समेत गाउँमा पठाउन नसकिएको ढकालले बताउनुभयो ।

प्रकाशित मिति २०७२ भदौ ८ गते मंगलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: