भक्तपुर जलमग्न,महिला र बालबालिका बढी प्रभावित


प्रकाशित मिति :2015-08-27 14:33:21

कविता श्रेष्ठ

भक्तपुर, भदौ १० । बुधबार रातिदेखि परेको अविरल वर्षाले भक्तपुर र मध्यपुर नगरपालिका डुबानमा परेका छन् ।

जगाती,चुनदेवी,सल्लाघारी,सिर्जनानगर,राधेराधेलगायतका क्षेत्रहरू डुबानमा परेका छन् । हनुमन्ते नदीमा आएको बाढीका कारण यी क्षेत्रका तीन सयभन्दा बढी घर डुबान परेका हुन् ।

 DSCF1740

भक्तपुरकाे महेश्वरी खेल मैदानमा रहेको सबैभन्दा ठूला भूकम्प प्रभावितहरूको अस्थायी शिविरमा दुई हजार भन्दा बढी प्रभावित भएका छन् । प्रभावितहरूमा छ सय भन्दा बढी महिला रहेका छन् भने तीन सयको सङख्यामा बालबालिका रहेका छन् । ‘सुतिरहेको बेला बाढी आयो, कहाँ बस्ने, के खाने, बिजोग भयो हाम्रो’, पीडित विपना रिजालले काँधमा बच्चा बोक्दै भनिन् ।

भेलुखेलमा रहेको महिला तथा बालबालिकाको अस्पताल, सिद्दि स्मृति अस्पताल पनि डुबानमा परेको छ । उपचार भइरहेका तीस भन्दा बढी महिला तथा बालबालिकालाई सुरक्षित ठाँउमा सारिएको सिद्दि स्मृति प्रतिष्ठानमा म्यानेजर हरि अधिकारीले बताउनुभयो ।

DSCF1721

सल्लाघारीमा रहेको अक्सफोर्ड विद्यालयका १२ जना बालबालिकालाई उद्दार गरिएको छ भने प्रभावित क्षेत्रमा उद्दार कार्य जारी रहेकोे महानगरीय प्रहरी प्रवास कटुञ्ज प्रहरी नायव उपरिक्षक हरिश बहादुर चन्द बताउनुहुन्छ ।  उहाँले अविरल वर्षाले हनुमन्तेमा जलस्तर बढ्दै गएपछि  सर्तक रहन तटीय क्षेत्रका बासिन्दालाई आग्रह गर्नुभयाे ।

अक्सफोर्ड विद्यालय, गुरुकुल विद्यालय, श्री बाल सेवक निम्न माध्यमिक विद्यालयलगायतका १५ वटा विद्यालय डुबानमा परेका छन् । उद्दारकार्यमा सशस्त्र प्रहरी, नेपाल प्रहरी र नेपाल सेना परिचालन गरिएको उहाँले जानकारी दिनुभयो ।

प्रकाशित मिति :२०७२ भदौ १० गते विहीवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: