संसदमा महिला : नेपाल ३७ औं स्थानमा


अन्तरसंसदीय युनियनको प्रतिवेदन

प्रकाशित मिति :2015-08-27 16:01:12

महिला खबर

ललितपुर, भदाै १० । संसदमा महिलाको सहभागिता सुनश्चित गर्ने सवालमा नेपाल विश्वमा ३७ औं स्थानमा परेको छ। अन्तर संसदीय युनियनले सन् २०१५ जुलाई अन्तसम्म विश्वका एक सय ९० मुलुक समावेश गरेर निकालेको तथ्याकंको वरियतामा अफ्रिकी मुलुक रुवान्डा पहिलो स्थानमा छ।

सन २०१३ सेप्टेम्बरमा भएको तल्लो सदनको निर्वाचनपछि रुवाण्डाको संसदमा ६३ दशमलव ८ प्रतिशत महिला सहभागी भएका हुन्। यसैगरि बोलिभियाले ५३ दशमलव १ प्रतिशत महिला संसदमा प्रतिनिधित्व गराएर दोस्रो र क्युवा ४८ दशमलव ९ प्रतिशत महिला सहभागितासहित तेस्रो स्थानमा रहेका छन्।

स्वीडेन ४३ दशमलव ६ प्रतिशत महिला प्रतिनिधित्व गराएर पाँचौ स्थानमा छ। बेलायत भने २९ दमलव चार प्रतिशत महिला सहभागिता गराएर नेपालभन्दा एक स्थान पछि ३८ औं वरियतामा छ । यसैगरि अमेरिकाको संसदमा १९ दशमलब ४ प्रतिशत महिला छन् र अमेरिका ७५ आै‌ं स्थानमा रहेको छ।

विश्वको सवैभन्दा ठुलो प्रजातान्त्रिक मुलुक भनिने भारतमा भने जम्मा १२ प्रतिशत महिला संसदमा छन्। भारत संसदमा महिला सहभागिता गराउने देशमध्ये १०७ औं स्थानमा रहेको छ।

यसैगरि दक्षिण एशियाका अन्य मुलुकहरू बङ्गलादेश २० प्रतिशतसहित ७२ औं स्थानमा रहेको छ भने भुटानमा ८ दशमलव ५ प्रतिशत १२३ औं स्थान र श्रीलंका ५ दशमलव ८ प्रतिशत १३१ औं स्थानमा रहेका छन्।

नेपालमा ५ सय ९९ सांसदमध्ये एक सय ७७ अर्थात २९ दशमलव पाँच प्रतिशत महिलाको सहभागिता छ।

प्रकाशित मितिः २०७२ साउन १० गते बिहीवार

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: