महिला विकासको काम


प्रकाशित मिति :2015-09-02 13:26:53

प्रताप बानियाँ

म्याग्दी, भदौ १६ । गत १ वर्षको अवधिमा म्याग्दीमा महिला विकास कार्यक्रमबाट झण्डै १६ सय जना महिला लाभान्वित भएका छन् । गत आर्थिक वर्ष २०७१/७२ मा महिला विकास कार्यालय म्याग्दीद्वारा सञ्चालित विभिन्न कार्यक्रमहरूबाट कुल १५ सय ९० जना लाभान्वित भएका हुन् ।

जिल्लाका ३० वटा महिला समूहमा सञ्चालित क्षमता विकास, लैङ्गिक सचेतना तथा पुनर्ताजगी अनुशिक्षणबाट मात्रै ९ सय जना महिला लाभान्वित भएका छन् ।

त्यसैगरी गरिबी विरुद्धको महिला अभियान कार्यक्रममार्फत १५०, ज्येष्ठ नागरिक तथा विद्यार्थीबीच अन्तरपुस्ता सिप हस्तान्तरणबाट १४०, आधारभूत तालिममार्फत ९०, महिला संस्था समिति बीच अन्तत्र्रिmयाबाट ६०, नेतृत्व तथा संस्थागत विकास एवं सीप तथा व्यावसायिकता विकासल गायतका तालिमहरूबाट गरी कुल १५ सय ९० जना महिला लाभान्वित भएको महिला तथा बालबालिका कार्यालय म्याग्दीले जनाएको छ ।

विद्यालय विमुख किशोरी कार्यक्रम, जीवनपयोगी सीप तथा मूल प्रवाहीकरण तालिम र अपाङ्ग संघ म्याग्दीको समन्वयमा अपाङ्गता भएका व्यक्तिहरूका लागि समुदायमा आधारित पुनस्र्थापना कार्यक्रम समेत सञ्चालन गरिएको महिला विकास अधिकृत निर्मला शर्माले बताउनुभयो ।

यसैगरी गतवर्ष घुम्ती शिविर आयोजना गर्नुका साथै १५ जना हिंसापीडित महिलालाई न्यायका लागि आवश्यक परामर्श समन्वय र सहजीकरण गरिएको छ भने हिंसापीडित, सुरक्षा तथा ज्येष्ठ नागरिक लगायतका कोषहरूको व्यवस्था रहेको उहाँले जानकारी दिनुभयो ।

Program Participants (1)

कार्यालयबाट गतवर्ष १४ वटा सहकारीलाई एक एक लाखका दरले १४ लाख, सोही अवधिसम्म ४० जना हिंसा प्रभावितहरूलाई एक लाख ४१ हजार एक सय २०, विपद्मा परेका ७ बालबालिकालाई ३६ हजार र २ ओटा समितिलाई ४० हजार गरी कुल १६ लाख १७ हजार एक सय २० रुपैयाँ अनुदान उपलब्ध गराइएको अधिकृत शर्माको भनाईछ ।

कार्यालयमा गतवर्ष घरेलु, शारिरीक, मानसिक, बहुविवाह, आर्थिक, र विभिन्न यातनाका गरी १७ वटा महिला हिंसासम्बन्धी उजुरीका निवेदनहरू परेको सहायक महिला विकास निरीक्षक निशा केसीले बताउनुभयो ।

पछिल्लो समय ग्रामीण भेगमा सञ्चालित महिला विकास कार्यक्रमको प्रभाव तथा अन्य संघसंस्थाको कार्यक्रमले महिला हिंसा न्युनीकरणमा सहयोग पुगेको कार्यालयको दाबी छ ।

हालसम्म कार्यालयबाट कुल २८ सय ३९ ओटा अपाङ्गता परिचयपत्र वितरण गरिएको छ ।

अपाङ्गता परिचय पत्रमध्ये ‘क’ वर्गको १८१, ‘ख’ वर्गको ९२२, ‘ग’ वर्गको ७९१ र ‘घ’ वर्गको आधारका ८३२ वटा परिचयपत्र रहेका छन् । त्यस्तै जिल्ला प्रशासन कार्यालयबाट यसअघि वर्ग नछुट्टिएको ११३ वटा परिचयपत्र वितरण भैसकेको छ ।
परिचयपत्र लिनेमा पुरुष १५ सय ६८ र महिला ११ सय ६१ जना रहेको सहायक महिला विकास निरीक्षक केसीले जानकारी दिनुभयो ।

प्रकाशित मिति २०७२ भदौ १६ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: