अधिकार माग्दा कार्वाहीमा परे इतिहास बन्छ : सभासद


प्रकाशित मिति :2015-09-02 14:23:45

नुनुता राई

काठमाडौं ,भदौ १६ । संविधानमा महिलाका हक अधिकार सुनिश्चित गर्न महिलाले एकताबद्ध भएर वार कि पारको लडाइ लड्नुपर्ने बेला आएको निष्कर्ष अन्तरपार्टी महिला सञ्जालले निकालेको छ ।

सञ्जालले आज काठमाडौंमा आयोजना गरेको ‘नेपालको संविधानको परिमार्जित विधेययक २०७२’ छलफल कार्यक्रममा बोल्दै अध्यक्ष शशी श्रेष्ठले अब महिला सभासदहरूले कलम चलाउने बेला आएको र उहाँहरूलाई बल दिनको निम्ति यो कार्यक्रमको आयोजना गरिएको बताउनुभयो ।

उहाँले पहिचान, प्रतिनिधित्व र पहुँच अब बन्ने संविधानमा छुटाउनै नहुने र यी विषयहरूमा कुनै पनि हालतमा सम्झौता गर्न नसकिने धारणा ब्यक्त गर्नुभयो सभासद सिता नेपालीले अब संविधान सभामा महिला हक अधिकारको कुरा उठाउँदा पार्टीबाट कारवाही गरेपनि पछि हट्न नहुने बताउनुभयो ।

DSC04480

उहाँले भन्नुभयो ‘हक अधिकार माग्दा कारवाही हुन्छ भने कारवाहीमा भागेदार बन्न तयार छौं । यो पनि इतिहास नै बन्ने छ , महिला सभासदहरू यस विषयमा एक हुन जरुरी छ ।’
एमाले सभासद गरिमा शाहले भन्नुभयो ‘पार्टीले मस्यौदा संविधानमा संशोधन व्यक्तिगत हाल्न नमिल्ने निर्देशन जारी गरेको छ । म नैतिक संकटमा परेकी छु ।’

उहाँले आफ्नो तर्फबाट पार्टीका नेताहरूलाई सहमति गराउन प्रयास गरिरहेको बताउनुभयो ।
सभासद रत्ना गुरुङले महिलाको हक अधिकार सुनिश्चित गर्न सबै बुँदाहरू सम्भव नभए पनि प्राथमिकताका आधारमा अधिकांश बुँदाहरू समेटिनुपर्ने तर्क गर्नुभयो ।

अन्तर पार्टी महिला सञ्जालले ४८ बुँदे मस्यौदा समिति २०७२ को संशोधन प्रस्ताव तयार गरेको छ । संशोधन प्रस्तावमा महिलाको पहिचान, समानुपातिक प्रतिनिधित्व,नागरिकतामा समान अधिकार र राज्यको हरेक निकायमा पहुँच स्थापित गर्ने गरी नयाँ संविधानमा महिलाका अधिकार समेट्नुपर्ने रहेका छन् ।

यसैगरी सञ्जालको मस्यौदा संशोधन प्रस्तावमा पितृसत्तात्मक थप्नुपर्ने, राष्ट्रप्रमुख र उपराष्ट्रप्रमुख महिला र पुरुष आलोपालो सिद्धान्त हुनुपर्नेलगायतका सुझाव समेटिएको छ ।

प्रकाशित मिति २०७२ भदौ १६ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: