सञ्चारिका समानता पुरस्कार शर्मा र न्यौपानेलाई


प्रकाशित मिति :2015-09-05 14:24:54

महिला खबर

ललितपुर,भदौ १९ । सञ्सचारिका समूह नेपालले   सञ्चारिका समानता पुरस्कार २०७१  पत्रकार मीना शर्मा र तुफान न्यौपानेलाई दिने भएकाे छ ।
हिमाल साप्ताहिकमा प्रकाशित ‘बलात्कारी उम्काउने कानूनी छिद्र’ फिचरका लागि पत्रकार न्यौपाने र मीना शर्मालाई    पुरस्कृत गर्ने भएकाे  सञ्चारिकाका महासचिव नितु पण्डितले जारी गरेको विज्ञप्तीमा उल्लेखछ ।
पुरस्कृत फीचर २०७१ साल पुष २० गते साप्ताहिक खबरपत्रिका हिमालमा प्रकाशित भएको थियो । उक्त पुरस्कारको राशि १५ हजार रुपैयाँ रहेको छ । पुरस्कारका लागि समूहले गत २०७१ वैशाख १ देखि २०७१ चैत्र ३० सम्म छापिएका लैङ्गिक समानतामा आधारित फीचरबाट छनोट गरेको विज्ञप्तीमा उल्लेखछ।
पुरस्कार छनोट समितिमा नेपाल पत्रकार महासंघका अध्यक्ष महेन्द्र विष्ट, सञ्चारिका समूहका पूर्व अध्यक्ष तथा घटना र विचार साप्ताहिकका सम्पादक बबिता बस्नेत र राष्ट्रिय समाचार समितिका महाप्रबन्धक निर्मला आचार्य रहनुभएको थियो ।
छनोट समितिले फीचरको शैली, विषयवस्तु, सन्देश, लैङ्गिक संवेदनशीलता, अन्वेषणजस्ता विषयवस्तुलाई आधार बनाएर मूल्याङ्कन गरेको समूहले जनाएकोछ ।
विज्ञप्तीमा भनिएकोछ  ‘पुरस्कारका लागि सञ्चारिका समूहको मासिक प्रकाशन ‘सञ्चारिका फिचर सेवा’, सञ्चारिका समूहको अनलाइन ‘महिलाखबर डट कम’ मा प्रकाशित लेख र समूहका कार्यसमितिमा रहेका पदाधिकारीहरूको फिचर समावेश गराइएको थिएन । साथै छनोट तथा मूल्याङ्कन प्रक्रियालाई निष्पक्ष बनाउनका लागि छनोट समितिलाई सामग्रीहरू उपलब्ध गराउँदा पत्रकार र पत्रिकाको नामसमेत नखुलाएको समूहको भनाइछ ।
‘समानताका लागि सञ्चार’ भन्ने मूल नारालाई सफल रूपमा अघि बढाउने उद्देश्यले समूहले हरेक वर्ष यो पुरस्कार प्रदान गर्दै आएको पण्डितले जारी गरेको विज्ञप्तीमा उल्लेखछ ।

यसैगरी २०६६ सालमा स्थापना गरिएको ुस्व। उमा सिंह पत्रकारिता पुरस्कार २०७१ु सुनसरीबाट पत्रकारिता गर्दै आएनुभएकी पत्रकार लक्ष्मी दर्नालले पाउनुहुने भएको छ ।
पत्रकार दर्नाल औजार राष्ट्रिय दैनिकमा कार्यरत हुनुहुन्छ । सो पुरस्कारको राशि सात हजार एक सय एघार रहेको छ ।

समूहले २०७१ सालको ुसञ्चारिका प्रोत्साहन पुरस्कारु रेडियो नेपालका पत्रकार शोभा भट्टराई र पत्रकार प्रियंका पाण्डेलाई प्रदान गर्ने भएकोछ ।
भट्टराई र पाण्डे दुवै जनाले काठमाडौबाट पत्रकारिता गर्दै आउनुभएको छ । सबै पुरस्कार यही भदौ २१ गते, सोमबारका दिन समूहको काठमाडौमा हुने छैटौँ महाधिवेशन तथा १९ औं वार्षिकोत्सवको उद्घाटन समारोहका अवसरमा प्रदान गर्ने महासचिव पण्डितले जारी गरेको विज्ञप्तीमा उल्लेखछ ।

प्रकाशित मिति २०७२ भदौ १९ गते शनिवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: