तीज उत्सवमा उद्यमी महिलाका उत्पादनलाई प्रोत्साहन


प्रकाशित मिति :2015-09-11 14:56:31

रमला सिंगक

teej festvसुनसरी, भदौ २५ । महिलाको चाड तीजलाई भड्किलो हुनबाट मुक्त गर्न धरानमा तीनदिने जेसिज तीज उत्सवमा उद्यमी महिलाको उत्पादनलाई प्रोत्साहन दिइएको छ । शनिबारसम्म चल्ने उत्सव धरान जेसिज प्रथम महिला समूहको संयोजनमा धरान १० स्थित सैनिक भवनमा आयोजना गरिएको छ ।

महङ्गा सारी र गहनालगाएर आधुनिक शहरी मध्यम वर्गीय महिलाहरू नाचगान गर्दै तीज मनाइरहेको बेला धरानका केही उत्साही र सृजनशील महिलाले साना व्यावसायी महिलालाई प्रोत्साहित गर्न  आयोजना गरेको उत्सवमा महिलासम्बन्धी सामाजिक एवं व्यावसायिक संस्थाहरूले जनचेतनामुलक तथा व्यापारीक स्टल राखेका छन् ।

नाजगान र महङ्गो गरगहना प्रर्दशन गर्ने प्रबृत्ति निरुत्साहित गरी महिलालाई आर्थिकरुपमा सशक्तीकरण गर्न यस्तो  तीज उत्सव आयोजना गरिएको आयोजक संस्थाको भनाई छ ।

आयोजक यशोदा कायस्थले भन्नुभयो, ‘तिजलाई महिलाले आफ्नो दुःख, पीडालाई बिर्सेर नाच गान गर्दै उन्मुक्त भएर मनाउने चलन छ, तर हामीले महिलालाई आत्मनिर्भर गराउन उनीहरूको उत्पादनलाई प्रर्वद्धन गर्ने उद्देश्यले तीज उत्सव आयोजना गरेका हौं ।’

धरान महिला सञ्जालकी उपाध्यक्ष सविता राईले महिला उद्यमीको उत्पादनलाई बजारीकरण गर्न उत्सवले प्रोत्साहन दिने बताउनुभयो । उहाँले भन्नुभयो, ‘बहानामात्र तीज हो । हाम्रो उद्देश्य निम्न आर्थिक आय भएका महिलाले उत्पादन गरेका सामग्रीलाई उपभोक्तासम्म पुर्‍याउन यो उत्सवलाई माध्यम बनाएका हौं ।’

धरान जेसिज प्रथम महिला समूहकी संयोजक रेवा श्रेष्ठले भन्नुभयो, ‘आधुनिक तीजको भड्किलो पक्षलाई निरुत्साहित गर्दै यसै वहानामा महिलाका उत्पादनलाई प्रर्वद्धन गर्ने उत्सवको मुख्य उद्देश्य रहेको छ ।’

सुनसरी उद्योग वाणिज्य संघका अध्यक्ष सरोज श्रेष्ठले यस्तो कार्यक्रमले महिला उद्यमीलाई संगठित गरी उनीहरूको उत्पादनलाई बजारीकरण र महिला सशक्तीकरणमा पनि टेवा पुग्ने धारणा राख्नुभयो ।

प्रकाशति मितिः २०७२ भदौ २५ गते शुक्रवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: