साउदी कुटनीतिज्ञद्वारा यौन शोषणमा परेका महिलाका विषयमा अनुसन्धान सुरु


प्रकाशित मिति :2015-09-11 16:32:26

कविता  श्रेष्ठ

काठमाडौ, भदौ २५ । भारतस्थित साउदी दूतावासका कर्मचारीले बन्धक बनाएर बलात्कार गरिएका  दुई नेपाली महिलालाई बिक्रि गर्ने दलालको नेपाल प्रहरीको केन्द्रीय  अनुसन्धान ब्युरो (सिआइबी)ले अनुसन्धान थालेको छ ।

जागिर लगाइदिने बहानामा एक नेपाली महिलाले नै उनीहरूलाई बिक्री गरेको प्रारम्भिक अनुसन्धानबाट देखिएको छ । दुई मध्ये एक महिला अरुको पासपोर्टमा आफ्नो फोटो टाँसेर साउदी पुगेकी थिइन् । दुवै जनाको पासपोर्ट भने फेला परेको छैन । भारत स्थितसाउदी दुताबासका कर्मचारीकै अपार्टमेन्टमा उनीहरूको पासपोर्ट हुन सक्ने आशंका  प्रहरीले गरेको छ ।

सीआइबी का एस पी किरण बज्राचार्यले  दुवै महिलाले नक्कली राहाधनी बनाएको , वर्क परमिट नभएको र गैरकानुनी रुपले आर्थिक प्रलोभनमा परी  विदेश गएकाले यी समस्या भोग्नु परेको बताउनुभयो । उहाँका अनुसार  दुई महिला सहित ३० जनालाई मानव तस्करीमा संलग्न समूहले मुम्बईबाट श्रीलंका हुदै साउदी पुर्‍याएका हुन् । तीन महिना साउदीमा चरम यौन शोषण भोग्न बाध्य ती दुई महिलालाई अत्यन्त दर्दनाक स्थितिमा भारत स्थित साउदी दुताबासका मजिद नाम गरेका  कर्मचारीले   भारत फर्काएको उहाँ बताउनहुन्छ । दुवैको स्वास्थ्य परिक्षण भइरहेको उहाँ भनाइ छ ।

साउदीमा जागिर लगाइदिने भनेर पैसा समेत असुलेर उनीहरूलाई एजेन्टले बिक्री गरेको अनुसन्धानका त्रलममा खुलेको बज्राचार्यले बताउनुभयो ।  उहाँका अनुसार भारतीय प्रहरीले यस सम्बन्धी उजुरी लिइसकेको छ । नेपालको परराष्ट्र मन्त्रालयसँग अनुमति लिएपछि कारवाही अघि बढ्ने  एसपी बज्राचार्यले जानकारी दिनुभयो ।

तस्वीर / पीडित महिलालाई बन्धक बनाएर राखीएको अपार्टमेन्ट

तस्वीर / पीडित महिलालाई बन्धक बनाएर राखीएको अपार्टमेन्ट

गत सोमवार राती भारतीय प्रहरीले दुइ जना महिलालाई साउदी कूटनीतिज्ञको गुडगाउँस्थित निवासमा छापा मारी  उनीहरूको उद्धार गरेको थियो । नेपाल प्रहरीले पत्र पठाएपछि साउदी कूटनीतिज्ञको निवासमा भारतीय प्रहरीले छापा मारेको हो ।

घरेलु कामका लागि राखिएका उनीहरूलाई एक महिना  भन्दा बढि समय  घरमै  बन्धक बनाएर यौन शोषण गरिएको  स्वास्थ्य जाँचपछि पुष्टि भएको छ ।

कहिलेकाहिँ ७ /८ जना पुरुषले दैनिक उनीहरूमाथि बलात्कार गर्ने  गरेको पीडित महिलाले बताए । पीडितहरूका अनुसार साउदी कूटनीतिज्ञले उनीहरूलाई  नैनीताल र आग्रामा पनि लग्ने गरेको र त्यहाँ उनका अरु पाँहुनाले पनि यौन दुव्र्यवहार गर्ने गर्थे ।

साउदी कूटनीतिज्ञकै घरमा काम गर्ने एकजना महिलाले पीडित महिलाहरूको बारेमा माईती नेपाल ईन्डियामा खबर पुर्‍याएपछि  माईती नेपाल ईन्डियाले नेपाल राजदुताबासलाई पत्र पठाएको थियो । त्यसपछि नेपाली राजदुतावासले  भारतीय विदेश मन्त्रालय र गुडँगाउ प्रहरीलाई पत्र पठाएको थियो ।

प्रकाशित मिति : २०७२ भदौ २५ गते शुक्रवार

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: