राष्ट्रिय महिला भलिबलमा न्यू डायमण्डको ह्याट्रिक


प्रकाशित मिति :2015-09-17 14:14:39

जमुना वर्षा शर्मा

पोखरा, ३१ भदौ । न्यू डायमण्ड एकेडेमीले पोखराको लामाचौरमा आयोजित राष्ट्रियस्तरको महिला भलिबल प्रतियोगितामा उपाधिमाथि ह्याट्रिक गर्न सफल भएको छ । बुधबार सम्पन्न खेलमा सशस्त्र प्रहरी बल (एपीएफ) लाई फाइनलमा पराजित गर्दै उपाधिमा ह्याट्रिक गर्न सफल भएको हो ।
नवआदर्श सामुदायिक विकास समाजले तीजको अवसरमा हरेक वर्ष आयोजना गर्दैआएको राष्ट्रिय महिला भलिबल प्रतियोगितामा डायमण्डले अघिल्लो दुई वर्षयता लगातार जीत हात पारेको छ । उपाधिसँगै उसले नगद ५० हजार रुपैयाँ, शिल्ड र मेडल पुरस्कार हात पारेको छ ।
डायमण्डसँग लगातार ३ पटक फाइनलमा भिडेको एपीएफ यसपालि पनि उपविजेतामा सीमित बन्यो । उपविजेता एपीएफले २५ हजार नगद तथा शिल्ड प्राप्त ग-यो ।
ललिता नाथको कप्तानीमा कोर्ट उत्रिएको न्यू डायमण्डले उल्लेख्य दर्शकमाझ उत्कृष्ट स्कोर खडा गर्दै च्याम्पियन बन्न सफल भएको हो ।
दुई–दुई सेट बराबरी भएपछि बेष्ट अफ फाइभमा डायमण्डले अन्तिम सेटमा १५–१० को स्कोर खडा गरेको हो । त्यसअघि उसको पक्षमा २५–२३, १८–२५, २५–२३ र २२–२५ को स्कोर बनेको थियो ।

volleyball WINNER new diamond-072 (2)
प्रतियोगितामा डायमण्डकी प्रतिभा माली उत्कृष्ट खेलाडी घोषित भइन् । फाइनलमा जादुमय प्रदर्शन गरेकी मालीले थुप्रै दर्शकबाट नगद पुरस्कार पनि पाइन् । अघिल्लो वर्ष पनि उनले सोही उपाधि जितेकी थिइन् । उपविजेता बनेको एपीएफले भने विधागत ३ उपाधि भित्रायो । विनिता बुढाथोकी वेष्ट सेटर, सरस्वती चौधरी वेष्ट स्पाइकर र रेष्मा भण्डारी वेष्ट सर्भर घोषित भइन् ।

पश्चिमाञ्चलकी पवित्रा बिसीले वेष्ट ब्लकर र नेपाल आर्मीकी सिर्जना राईले बेष्ट लिब्रो उपाधि जितिन् । बुधबार नै तेस्रो स्थानको खेलमा पश्चिमाञ्चल भलिबल संघलाई ३–२ को सेटमा पराजित गरेर नेपाल आर्मी तेस्रो बन्न सफल भयो ।

आर्मीले २५–१८, १२–२५, २५–२२, २७–२९ र १५–११ को स्कोर कायम गरी पुरस्कार स्वरुप नगद १५ हजार पायो । सान्त्वना पश्चिमाञ्चलले नगद १० हजार रुपैयाँ पुरस्कार प्राप्त ग¥यो । पश्चिमाञ्चलकी कप्तान मञ्जु गुरुङ वुमन अफ दी म्याच बनिन् ।
भरपर्दा खेलाडीको अभावमा पनि डायमण्डको लगातार उपाधि जितबारेको जिज्ञासामा प्रशिक्षक कुमार राईले खेलाडीको आत्मविश्वास नै यसको परिणाम भएको प्रतिक्रिया दिए । एपीएफका प्रशिक्षक ज्ञानेन्द्र बिष्टले खेलमा तालमेल मिल्न नसक्दा उपाधि गुमाउनु परेको बताए ।

विजेतालाई संस्थाका मानार्थ सदस्य समेत रहेका प्रधानमन्त्रीका प्रशासकीय सल्लाहकार बाबुराम आचार्य, संस्थाका अध्यक्ष धर्ममानसिंह भण्डारी, खेल संयोजक सुशीलकुमार श्रेष्ठ, भलिबल संघका केन्द्री उपाध्यक्ष एवं जिल्ला खेलकुद विकास समिति अध्यक्ष यामबहादुर गुरुङ, संस्थाका पूर्वअध्यक्ष बुद्धिबहादुर खत्री क्षेत्री लगायतले पुरस्कार वितरण गरेका थिए । ३ दिनसम्म चलेको प्रतियोगितामा ६ टिमले भाग लिएका थिए ।

प्रकाशित मिति २०७२ भदौ ३१ गते बिहीवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: