बालिका बलात्कार, श्रीमती हत्या र किर्ते नागरिकताको दोषी १० वर्षपछि पक्राउ


प्रकाशित मिति :2015-09-18 15:08:43

रमला सिंगक

पाँचथर, असोज १ । बालिका बलात्कार, श्रीमती हत्या र किर्ते नागरिकता बनाएको आरोप लागेका पाँचथर फिदिमका सनवहादुर नेपाली १० वर्षपछि पक्राउ परेका छन् ।  प्रहरीले नेपालीलाई इलामको हर्कटेबाट गत सोमबार पक्राउ गरेको जनाएको छ ।

अनिल पोखरेल भनिने नेपालीले ०६२ कार्तिकमा पाँचथर फिदिम बस्ने १५ वर्षीया बालिकालाई बलात्कार गरेको अभियोगमा पाँच वर्ष कैद सजाय तोकिएको थियो ।

पाँचथर जिल्ला प्रहरी कार्यालयका प्रहरी नायव उपरिक्षक कृष्णप्रसाद कोइरालाका अनुसार फरार रहेको बेला नेपालीले आफ्नै श्रीमती (तारा पोखरेल) शिवा दर्जीलाई ०७१ चैत २८ गते मोरङको मधुमल्लामा हत्या गरेका थिए । बालिका बलात्कारपछि फरार रहेका बेला मधुमल्लामा लुकिछिपी बस्दै आएका नेपालीको श्रीमती तारासँग विवाद भएपछि बालिका बलात्कारको पोल खुल्ने डरले हत्या गरेको हुन सक्ने प्रहरीले जनाएको छ ।

बालिका बलात्कार र श्रीमतीको हत्या गरेपछि कारवाहीबाट बच्न आफ्नो परिचय र हुलिया बदल्दै नेपालीले पहिले ०५१ मा पाँचथर जिल्ला प्रसासन कार्यालयबाट सनवहादुर नेपाली नामबाट लिएको नागरिकता फालेर ०६९ सालमा झापा जिल्ला प्रसाशन कार्यालयबाट अनिल

पोखरेलको नामबाट अर्को नागरिकता किर्ते गरेर लिएको प्रहरीले जनाएको छ । दुई–दुई नागरिकता भएपनि उनले कतैकतै आफूलाई अपराधबाट बच्न प्रकाश भनेर पनि चिनाउँदै आएको प्रहरीको अनुसन्धानबाट खुलेको छ ।

तीन आपराधिक काममा प्रत्यक्ष दोषी देखिएकाले उनलाई कारवाही गर्न मुद्दा दर्ता गरेको र जेल चलान गर्ने तयारी भइरहेको प्रहरीले जनाएको छ । बालिका बलात्कार, कर्तव्य ज्यान र किर्ते नागरिकता जस्तो जघन्य अपराध गरेकाले नेपालीलाई कम्तिमा २५ वर्षको कैद हुन् सक्ने प्रहरीले बताएको छ ।

प्रकाशित मिति २०७२ असोज १ गते शुक्रवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: