कैलालीमा आत्महत्या गर्नेमा महिला बढी


प्रत्येक तीन दिनमा एकजना महिलाद्वारा आत्महत्या

प्रकाशित मिति :2015-09-24 15:30:51

खेमा बस्नेत

कैलाली, असोज ७ । कैलाली जिल्लामा महिला आत्महत्या दर बढ्दै गएको छ । जिल्ला प्रहरी कार्यालय कैलालीको तथ्याङ्क अनुसार कैलालीमा औषत प्रत्येक ३ दिनमा एकजना महिलाले आत्महत्या गर्ने गरेका छन् ।

जिल्ला प्रहरी कार्यालय कैलालीले दिएको जानकारी अनुसार विगत ४ वर्ष यता कैलाली जिल्लामा ७ सय ९७ जनाले आत्महत्या गरेका छन् । ती मध्ये ४ यस ६६ जना महिला छन् ।

पुरुषको तुलनामा महिलाको आत्महत्या दर बढ्दो छ । ४ वर्षमा संकलित तथ्याङक अनुसार औषत ३ दिनमा एक जना महिलाले र प्रत्येक ४ दिनमा एक जना पुरुषले आत्महत्या गर्ने गरेका छन् ।

प्रहरीका अनुसार आर्थिक वर्ष २०६८/६९ मा २०१ ,२०६९/७० मा २०२, २०७०/७१ मा २३१ र २०७१/७२ मा १ सय ६३ जनाले आत्महत्या गरेका थिए ।

यी मध्ये आव २०६८/६९ मा १ सय १९, २०६९/७० मा १०४, २०७०/७१ मा १३९ र २०७१/७२ मा १०४ जना महिला रहेका छन् । आत्महत्या गर्ने महिलामध्ये आर्थिक वर्ष २०६८/६९ मा झुण्डिएर ७४ जना र विष सेवन गरेर ४४ जना र आगो लगाएर १ जनाले महिलाले आत्महत्या गरेका छन् । त्यसैगरी २०६९/७० मा झुण्डिएर ५७, विष सेवन गरेर ४७ जनाले आत्महत्या गरेका छन् ।

२०७०/७१ मा झुण्डिएर ९०, विष सेवन गरी ४८ र आगो लगाएर १ जनाले आत्महत्या गरे भने २०७१/७२ मा झुण्डिएर ५६ र विष सेवन गरेर ४८ जना महिलाले आत्महत्या गरेका थिए । चालु आर्थिक वर्षको २ महिनामा ११ जना महिलाले आत्महत्या गरेका छन् ।

कैलाली जिल्ला प्रहरी कार्यालायका प्रहरी नायव निरीक्षक हरिसिंह धामीका अनुसार २० देखि ५० वर्षको उमेर समूहले बढी आत्महत्या गरेको देखिन्छ ।
‘चार वर्षको तथ्याङक हेर्दा २० देखि ५० वर्षको उमेर समुहले बढी आत्महत्या गरेको देखिएको छ’ अनुसन्धान अधिकृत समेत रहेका प्रहरी नायव निरीक्षक हरिसिंह धामीले भने ‘यी मध्ये महिला बढी रहेका छन् ।’ गरिबी, घरेलु हिंसा, असफल प्रेम सम्बन्ध, लगायतका कारण आत्महत्या गराउँनमा जिम्मेवार रहेको अनुसन्धान अधिकृत धामीको भनाई छ ।

ओरेक नेपाल कैलालीका संयोजक विनु रानाले घरेलु हिंसा जस्तै, मानसिक र शारिरीक यातना सामाजिक कारण जस्तै, अस्वस्थ प्रेम सम्बन्ध, चारित्रिक आरोप, गरिवी,अशिक्षा/जनचेतनाको कमी, मादक पदार्थ सेवन जस्ता कारणले आत्महत्या गर्ने गरेको पाइएको बताउनुभयो ।

प्रकाशित मिति २०७२ असोज ७ गते बिहिवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: