सबै भन्दा राम्रो व्यापार चटपटे र पानीपुरीको


प्रकाशित मिति :2015-09-27 13:15:16

ज्ञानु पंगेनी

नवलपरासी , असोज १० । नवलपरासीमा पछिल्लो समय चटपटे र पानीपुरीको व्यापार महिलाको राम्रो आम्दानीको श्रोत बनेको छ । केही समय पहिले पुरुषले मात्रैगर्दै आएको यो व्यापार पछिल्लो समय महिलाले पनि अंगालेका छन् । थोरै लगानीमा धेरै फाईदा हुनेहुँदा पानीपुरी र चटपटेको व्यापार गर्नेमा महिलाको संख्या बढेको हो ।

नवलपरासीका विभिन्न बजार होस वा गाँऊ सबै ठाँउका चोकहरूमा ठेला र सटरमा चटपटे र पानीपुरी बेच्ने महिला देख्न पाईन्छ । त्यतिमात्रै होईन , विद्यालय आसपास , हाटबजार , र गाँउगाँउमा ठेला गुडाउँदै महिला चटपट र पानीपुरी बेच्न व्यस्त हुन्छन् ।

जिल्लाको कावासोतीमा पनि चटपटे र पानीपुडी बेच्ने महिलाको संख्या दिन प्रतिदिन बढिरहेका छन् । कावासोतीको बजार क्षेत्रका चोक हुन वा भित्री स्थानका चोक हुन अहिले चटपट र पानीपुरी बेच्ने पुरुष भन्दा महिलानै धेरै देखिन्छन ।
IMG_9663 - Copy
स्याङजा स्थाई घर भई हाल कावासोती सभापति चोकमा चटपटे र पानीपुरी बेच्दै आउँनु भएकी अम्विका वस्तीले आफ्नो ५ जनाको परिवार यही व्यवसायबाट चलाउँदै आउनु भएको छ ।

एक वर्षदेखि चटपट पानीपुरी बेच्दै आउँनु भएकी उहाँले आफ्ना २ जना छोरी र एउटा छोराको पढाई खर्चदेखि सम्पुर्ण घर खर्च चटपटे पानीपुरीबाट निकाल्दै आउनु भएको छ । त्यतिमात्रै हाईन उहाँले दैनिक रुपमा एक सय रुपैयाँ बचत गर्ने गरेको बताउनुभयो ।
वस्तीले भन्नुभयो ‘रोजगार भने जस्तो पाईदैन । ठूलो व्यवसाय गर्न धेरै लगानी चाहिन्छ । पानीपुरी र चटपटेमा कम लगानीबाट धेरै फाइदा हुन्छ ।’

यस्तै कावासोती ८ कालीगण्डकी निवासी माया सुवेदी पनि तिन वर्षबाट चटपटे र पानीपुरी बेच्दै आउनु भएको छ । उहाँको घरपरिवार यहि व्यापारको भरमा चलिरहेको छ । छोराछोरीको पठाईदेखि सबै यहि व्यापारले धानेको उहाँ बताउनुहुन्छ ।

उहाँले भन्नुभयाे ‘श्रीमानसँगै चटपटे पानीपुरी बेच्छु । सुरु सुरुमा त लाज लाग्थ्यो तर, अरु ठूलो व्यापार व्यवसाय गर्नलाई लगानी लगाउने अवस्था थिएन बाच्न त परयो त्यसैले दुवैजना मिलेर यहि व्यापार गरेका छौ अहिले त धेरै राम्रो छ मासिक १० हजार सम्मको नाफा हुन्छ बचत पनि गर्छु ।’

IMG_9571

यस्तै कावासोतीको सामथ्र्यचोकमा चटपट बेच्दै आउनुभएकी विष्णु कंडेलले दिनको ३ देखि ५ सय रुपैयाँसम्म नाफा हुने गरेको बताउनुहुन्छ । चटपट र पानीपुरी बेचेरै खरखर्च कोठाभाडा चलेको उहाँले बताउनुभयो । उहाँ भन्नुहुन्छ ‘ श्रीमान वैदेखिक रोजगारीमा जानुभएको छ । श्रीमानले कमाई सबै जम्मा गरेर राखेको छु । मैले कामएकोले घरखर्च चल्छ ।’

यसैगरी देवचुली नगरपालिकाको केउरेनी चोकमा ठेला लिएर विगत २ वर्षबाट चटपट र पानीपुरी बेच्दै आउनुभएकी ४५ वर्षकी जानकी पुरीको भने प्रसंग अहिल फरक छ उहाँको दुई छोरा विदेश छन् । बुहारीहरू पनि काम गर्छन् तर, उहाँले चोकमा ठेलामा चटपट र पानीपुरी बेच्नुहुन्छ ।

आम्दानीको श्रोत नभएर भन्दा उहाँ घरमा दिनभर त्यतिकै बस्नुभन्दा समय बिताउनका लागि यो व्यापार गर्दै आएको बताउनुहुन्छ ।
उहाँको यही व्यापारबाट महिनामा १० /१२ हजारसम्म आम्दानी हुन्छ ।

प्रकाशित मिति २०७२ असोज १० गते आइतवार

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: