‘नाकाबन्दी हुने रे !’


प्रकाशित मिति :2015-09-29 12:17:04

खेमा बस्नेत

धनगढी, असोज १२ । नाकाबन्दी हुने हल्लाले गृहिणी महिलालाई किनमेलको चटारो थपिएको छ । यसअघि चाहिएको समयमा गौरीफन्टा गएर आवश्यक उपभोग्य समानमात्रै किन्ने यस क्षेत्रका गृहिणी महिला अहिले भण्डार गर्न थालेका छन् । सामान किन्नकै लागि धनगढीको सिमावर्ती बजार गौरीफन्टामा महिलाको भीड लाग्ने गरेको छ । घरायसी उपभोग्य सामानहरू समान्यतया नेपाली बजारभन्दा केही सस्तो पाइने भएकाले नेपाली उपभोक्ता गौरीफन्टा पुग्ने गरेका हुन् ।

e

कैलालीका सिमावर्ती बस्ती, कञ्चनपुरका वाइसेविचुवा र अमरबस्ती लगायत ठाउँबाट महिला दाल, चिनी, प्याज,आलु, खुर्सानी, साबुन सरप, मसला लगायत भान्सामा प्रयोग हुने सामानहरू किन्न भारतीय बजार गौरीफन्टा, वनगाँउ र पलिया पुग्ने गर्छन् । त्यसबाहेक कैलालीका ग्रामिण वस्तीबाट पनि किनमेलको लागि गौरीफन्टा आउँने गर्दछन् ।

गौरीफन्टामा भेटिएकी कैलाली अत्तरिया नगरिपालिका बस्ने पार्वती साउँदले नाका बन्द हुने सुनेपछि २/३ महिनालाई पुग्ने सामान एकैचोटी किन्न आएको बताइन् । ‘नाका बन्द हुने रे ! त्यसैले आफुलाई चाहिने घरायसी सबै सामान किनेर ल्याए’ उनले भनिन् ।

नाकाबन्द हुने हल्लाले उपभोक्ताहरूलाई निकै चिन्तित भएका छन् । समान्य किनमेलको लागि गौरीफन्टा पुग्ने सिमाक्षेत्रका उपभोक्ताहरू चाडपर्वको मुखमै अभाव भए के गर्ने भन्ने चिन्ताले ऋण खोजेर भएपनि सामान भण्डार गर्न थालेको बताउँछन् । ‘दुई महिनाको लागि पुग्ने समान किनेर ल्याएकी छु’ अत्तरियाकै सरस्वती भट्टले भनिन् ‘नाका बन्द भएपनि सामान महङ्गो हुन्छ, त्यसैले अहिले नै किनेर राख्न लागेकी हुँ ।’

d

नाकाबन्दी कै हल्लाले समान किन्न मंगला धामी ४० किलोमिटर गाडी चढेर चौमलाबाट गौरीफन्टा पुगिन् । उनले पनि सामान किन्नकै लागि काम छोडेर आउनुपरेको बताइन् ।

उनले भनिन् ‘पहिले र अहिलेको माहोल फरक छ, त्यसैले काम छोडेर पनि सामान किन्न यहाँ आए ।’ धनगढीकी सिता चौधरीले पनि गौरीफन्टाबाट २ महिनालाई पुग्ने घरायसी सामान किनेको बताइन् । दाल,प्याज, आलु, सोडासाबुन, चिनी लगायतका खाद्यवस्तु किनेको उनको भनाई छ ।

कैलालीका मात्र होईन कञ्चनपुरवाट पनि भारतको बजारमा किनमेल गर्ने आउने गृहिणी महिला पनि छन् । सरिता तिवरी उनले पनि नाका बन्द हुने सुनेपछि घरेलु सामाग्रीको अभाव होला भन्ने चिन्ता लागेर सधैको भन्दा केही बढी दाल,प्याज,आलु,सोडासाबुन,चिनी किनेको बताउँछिन् ।

प्रकाशित मिति २०७२ असोज १२ गते मंगलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: