आत्मनिर्भरताले दिलायो आत्मसम्मान


प्रकाशित मिति :2015-09-30 14:16:24

नृप रावल

12041687_843351949096347_312834403_n(1) धनगढी, असोज १३  । हाँसी–खुशी बाँच्न र सम्पन्न बन्नका लागी ठुलै सीप, शिक्षा र पहुँच चाहिन्छ भन्ने एक थरीको सोचलाई कैलालीका  उद्यमी महिलाले झुटो सावित गरिदिएका छन् । विपन्न, दलित पिछडिएका र एकल महिला सीप सिकेर, सिलाई–कटाई, ब्युटिपार्लर, तरकारी खेती र ठेला व्यवसाय गर्न थालेपछि, उद्यमीसँगै आत्मनिर्भर बनेका हुन ।

कैलालीको लम्की चुहा १२ सुदर्शी देवी डगौरा २०६५÷०६७ साल तिर जिवन गुजाराका लागि दैनिक मजदुरी गर्नुहुन्थ्यो । निकै कष्टरकर बिगत भएकी गडौराको जिवनमा ठेला व्यवसाय सुरु गरेपछि सुखद परिवर्तन आएको छ  । तालिम लिएर ठेला व्यवसाय सुरु गरेकी उनले ४ लाख रुपैयाँ ऋण पनि तिरिसकेर ७ कठ्ठा जमिन किनीसकेकी छन् । अहिले उनले ठेला व्यवसायबाट मसिक २८ देखि ३० हजार रुपैयाँसम्म कमाई हुने गरेको बताइन् ।

त्यस्तै बौनिया ६ की ममता चौधरीको आर्थिक स्थिती निकै कमजोर भएका कारण   पारिवारिक अवस्था नाजुक थियो । उनले ब्युटिपार्लर सम्बन्धी तालिम लिएर यहि व्यवसाय सुरु गरिन् । त्यसपछि उनी  आर्थिक रुपमा  आत्म निर्भर भइन् । अक्षरसम्म पनि  नचिनेकी ममता आज, घरको अभिभावक बनेकी छन् । सीप भए महिलाले पनि  काम  गरेर आर्थिक रुपमा आत्म निर्भर बन्न सक्छन् भन्ने कुराको उदाहरण  उनीहरू बनेका छन् ।  उद्यमी भएपछि आफूहरू प्रति समाजको दृष्टिकोण पनि फेरीएको अनुभव उनीहरूसँग छ  ।  २–४ मान्छेको अगाडि बोल्न डराउने धेरै महिला आजकाल  समाजको अगुवा बनेका छन् ।

भजनीकी सुभाष डगौराले सिलाई कटाईको तालिक लिएपछि, घर परिवार चलाउन सहज भएको बताईन । व्यवसायबाट आएको पैसाले घर व्यवहार चलाउन छोरा–छोरीलाई पढाउन र मिठो मसिनो खान पुगेको उनको भनाई छ । पहिले मजदुरी गर्न जानुपर्ने पेसामा परिवर्तन आएको छ भने, समूहमा बचत समेत गरिराखेको  उनले बताइन ।

भजनी कै जीवन चौधरीले व्युटिपार्लर व्यवसाय सुरु गरेपछि आफ्नो अवस्था फेरिएकोे बताईन् ।   ‘लघुउद्यमबाट व्युटिपार्लर सम्बन्धी तालिम लिइ यसलाई पेसाको  रुपमा अपनाउँदा राम्रो कमाई त भएको छ नै, समाजमा पनि उच्च सम्मान हुन थालेको छ’ उनले भनिन्  । कैलालीका विपन्न तथा पिछडिएको समुदायका महिला पछिल्लो समय सीप सिकेर आत्म ्निर्भर भई आर्थिक रुपमा पनि बलिया बनेका छन् ।

प्रकाशित मिति :२०७२ असाेज १३ गते वुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: