गाउँमा सेवा विस्तारको नतिजाः जन्माउने भन्दा गर्भपतन धेरै


प्रकाशित मिति :2015-10-01 09:25:40

रमला सिंगक

सुनसरी, असोज १४ । इलाममा सन्तान जन्माउने भन्दा अनिच्छित गर्भपतन गर्ने महिलाको संख्या बढेको छ । आइपास नेपाल नामक गैरसरकारी संस्थाको सहयोगमा इलामको १२ वटा गाउँमा सुरक्षित गर्भपतन सेवा विस्तार भएपछि जन्माउने भन्दा गर्भपतन गर्ने महिलाको संख्या धेरै देखिएएको हो ।

इलाममा एकवर्षको अवधिमा १ हजार ७७ जना प्रसुति सेवा मार्फत बच्चा जन्माएका छन् तर सोही समय अवधिमा १ हजार ४ सय ५० जनाले सुरक्षित गर्भपतन गरेका छन् । दुर्गम गाउँका दम्पतीले अनिच्छित गर्भ नरहोस भन्नका लागि गर्भनिरोधक साधनमा पनि पहँुच नपुगेको र सुरक्षित गर्भपतन बारे पर्याप्त जनचेतना समेत नभएको यो तथ्यले उजागर गरेको छ ।

गाउँसम्मै यस्तो सेवा विस्तार गर्दा अनिच्छित गर्भपतन गर्ने महिलाको संख्या बढेको हो । सदरमुकाम इलामको मातृ स्वास्थ्य शिशु क्लिनिक, मंगलबारे, पशुपति नगर, फिक्कल, साखेजुङ, चुलाचुली, जीतपुर, बांझो, कोल्बुङ, माइमझुवा, चिसापानीलगायतमा सुरक्षित गर्भपतन सेवा विस्तार गरेपछि अनिच्छित गर्भपतन गर्ने महिलाको संख्या एक्कासी बढेको जिल्ला स्वास्थ्य कार्यालय इलामकी पव्लिक हेल्थ नर्स सरिता लिम्बुले बताउनुभयो । उहाँले भन्नुभयो, ‘गाउँस्तरमै अनिच्छित गर्भलाई सुरक्षित रुपमा गर्भपतन गर्ने सेवा विस्तार गर्दा दुर्गम गाउँका महिलाले पनि सेवा लिएको तथ्याङ्क हेर्दा इलाममा जन्माउने भन्दा गर्भपतन गर्ने बढी भएको हो ।’
आइपास नेपालका केदार भण्डारीले अनिच्छित गर्भपतनलाई नकारात्मकरुपमा लिन नहुने बताउनुहुन्छ । उहाँ भन्नुहुन्छ, ‘ सुरक्षित गर्भपतन गर्ने सेवा सुविधा गाउँस्तरमा नहुँदा कतिपय महिला जोखिम मोलेर आफ्नै तरिकाले गर्भपतन गराउने र त्यसो गर्दा उनीहरूको ज्यानसमेत जाने गरेको छ ।’ आइपास नेपालका अनुसार इलाममा १६ वर्षदेखि ४५ वर्ष उमेरका महिलाले सुरक्षित गर्भपतन गराएका छन् ।

स्वास्थ्य केन्द्रमा रहेका बर्थिङ सेन्टरमै कार्यरत स्वास्थ्यकर्मीहरूलाई सुरक्षित गर्भपतनको तालिम दिएकाले अनिच्छित गर्भपतन गराउन गाउँका महिलालाई सहज भएको हो । स्वास्थ्य केन्द्रमा सात हप्तासम्मको गर्भ पतन गराइन्छ । गर्भपतनका लागि औषधी सरकारले उपलव्ध गराउँदै आएको छ  ।

इलाममा  आर्थिक वर्ष ०७०/०७१ मा मेरीस्टोप्स सेन्टरबाट ३ सय ८ जनाले र आर्थिक वर्ष ०७१ /०७२ मा ३ सय ८२ जनाले सुरक्षित गर्भपतन गरेका थिए । यसैगरि परिवार नियोजन संघबाट गत वर्ष ५ सय ७० जनाले र चालु आर्थिक वर्षको ५ महिनामा ३ सय ८ जनाले गर्भपतन गराएका छन् ।

विश्व स्वास्थ्य संगठन (WHO) का अनुसार गर्भपतनको पहुँच नभएका ५० प्रतिशत  महिलाले असुरक्षित गर्भपतन गराउने गरेका छन् । ‘विश्वमा वर्षेनी २० करोड ८० लाख महिला गर्भवती हुन्छन्, आइपास नेपालका कार्यक्रम संयोजक भण्डारीले भने, ‘ती मध्ये ४१ प्रतिशतमा अनिच्छित गर्भ बस्ने र त्यसको ५४ प्रतिशतले गर्भपतन गराउँदा आधाले असुरक्षित गर्भपतन गराउँदै आएका छन् ।’ असुरक्षित गर्भपतनतको जोखिमबाट महिलालाई जोगाउन नेपालको ३१ जिल्लाका गाउँगाउँमा सुरक्षित गर्भपत सेवा विस्तार भएको भण्डारीले बताउँछन् ।

प्रकाशित मिति :२०७२ असााेज १४ गते विहिवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: