तराईमा शान्ति कायम गर्न मैथिली महिलाको माग


प्रकाशित मिति :2015-10-02 16:58:13

महिला खबर 

काठमाडौं,असोज १५ । तराईमधेशको आन्दोलनलाई वार्ताको माध्यमबाट समाधान गर्न मागगर्दै महिला शान्ति सञ्जालले आज काठमाडौंमा शान्ति र्‍याली निकालेको छ ।
शान्तिको कामना गर्दै निकालिएको र्‍यालीमा हिंसात्मक बाटो छोडेर वार्ताबाटै समस्याको हल निकाल्न राज्यपक्ष र आन्दोलनरत पक्षलाई सञ्जालले आग्रह गरेको छ ।

IMG_4231

मैथिली महिला समाजको अगुवाईमा भएको र्‍याली माइती घर मण्डलादेखि नयाँ बानेश्वरमा पुगेर कोणसभामा परिणत भएको थियो । कोणसभामा बोल्दै सञ्जालका अध्यक्ष अञ्जला झाले तराईमधेशमा जारी आन्दोलनलाई राज्य र आन्दोलनकारीको नेतृत्वले गम्भीरतापूर्वक लिँदै परिस्थितिलाई अविलम्ब अन्त्य गर्नु जरुरी रहेको बताउनुभयो ।

उनले यस्तो संवेदनशील स्थितिमा महिलानै बढी मर्कामा पर्ने गरेको बताउनु भयो । झाले भन्नुभयो–‘आन्दोलनको फाइदा उठाउँदै अपराधिक गिरोहहरूले चलखेल सुरु गरिसकेका छन् । अपराधीहरूले यस्तो मौका छोपेर महिलामाथि हिंसा गरेका घटनाहरू पनि हामीसँग आएका छन् ।’

IMG_4234

कोणसभामा बोल्दै महिला मानवअधिकार रक्षकका संयोजक रुपा झाले भन्नुभयो ‘लामो समयदेखि चलिरहेको आन्दोलनले गाँस, बाँस र कपासको समस्या देखापर्दै गइरहेको छ, जसका कारण देशका सम्पूर्ण भागमा जन जीवन कष्टकर बनेको छ । त्यसैले समस्याको हल छिटोभन्दा छिटो खोजिनुपर्छ ।’उहाँले महिला मानवअधिकार रक्षकहरूको पहलमा तराई मधेसका विभिन्न जिल्लामा शान्ति र्‍याली निकाल्ने जानकारी समेत दिनुभयो ।

प्रकाशित मिति २०७२ असोज १५ गते शुक्रवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: