व्यवसायी महिलाको चिन्ता


प्रकाशित मिति :2015-10-04 14:26:45

महिला खबर
पोखरा, असोज १७ । असोज ३ गते संविधान जारी भएसँगै देखिएको असहज परिस्थितिप्रति पोखराका  व्यवसायी महिलाले चिन्ता व्यक्त गरेका छन् ।  पोखरा उद्योग बाणिज्य संघ पोखराकी महिला उपसमिति संयोजक विन्दु कोइरालाले संविधान प्राप्तिको एउटा ठूलो सपना विपनामा परिणत भए पनि बन्द हड्ताल र भारतको हेपाहा प्रवृत्तिले व्यवसायी र सर्वसाधारणलाई सास्ति भएको महिला खबर डटकमसँगको कुराकानीमा बताउनुभयो ।

विभिन्न बहानामा भइरहने बन्द हड्ताल र आन्दोलनले अहिलेको नाकाबन्दीले भान्सादेखि उद्योगसम्म धरासायी भएको भन्दै पेट्रोलियम पदार्थको सहज आपूर्तिका लागि उहाँले सरकारसँग आग्रह गर्नुभयो ।
उहाँले भन्नुभयो ‘चाडवाडको मुखमा जुन उत्साह उमंग हुनुपर्ने हो, त्यो छैन् । कतिको भान्सा बन्द भएको छ । कति होटल, व्यवसाय चौपट भएको छ । व्यवसायीहरू भन्नै नसक्ने पीडामा छन् ।’

?????अर्का महिला उद्यमी हिरा भट्टराई भन्नुहुन्छ ‘भान्सानै बन्द भएपछि अरू के को आशा गर्ने ? जबसम्म पेट्रोलियम पदार्थ सहज हुँदैन यसले घरको भान्सादेखि बजारसम्मलाई असर पार्छ । एउटा मात्र समस्या हैन्, अनेकन समस्या सृजना भएका छन् ।’

सौन्दयकर्मी चिनु गुरुङ भन्नुहुन्छ ‘भारतले क्षणिक आवेगमा आएर जुन व्यवहार ग-यो त्यसको असर अनन्त कालसम्म भोग्नुपर्छ, भारतले हामीलाई सित्तैमा पाले जस्तो गरेर हेपिरहेको छ ।

भू–परिवेष्ठित मुलुकले समुद्रसम्मको बाटो प्रयोग गर्न पाउने अन्तर्राष्ट्रिय पारवहन सन्धीविपरीत अघोषित नाकाबन्दी गरेर दु:ख दियो अहिले नाकाबन्दी खुल्यो भनेपनि सहज आपूर्ति हुन सकेको छैन् । नेपालको स्वतन्त्रता सार्वभौम माथिहस्तक्षेप गरेर स्वाभिमानि नेपालीलाई चिढायो ।’

अर्का व्यवसायी सिता बराल चाडवाडको मुखमा देखिएको यो असहज परिस्थितिले व्यापारघाटा भोग्नु परेको बताउनुहुन्छ । वातावरणमा जुन खालको रौनकता हुनुपर्ने हो, त्यो शुन्य छ, नाकाबन्दी खुल्यो भने पनि छिट्टै बजार पहिले जस्तो अवस्थामा आउन समय लाग्छ ।

संविधान जारी भएसँगै देखिएका असहज परिस्थिती र भारतको अनावश्यका चासो र हस्तक्षेपले  नेपालको अर्थतन्त्रलाई एकाएक गिराइदियो । तर यसबाट पाठ सिकेर आत्मनिर्भरका लागि विकल्पका बाटाहरू खोज्नु पर्ने बरालको धारणा छ ।

प्रकाशित मितिः २०७२ असोज १७ गते आईतवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: