जुम्लाका बालगृहसँग प्रतिवेदन माग


प्रकाशित मिति :2015-10-06 11:16:59

कृष्णमाया उपाध्याय
जुम्ला, असोज १९ । बालकल्याण समितिले जुम्लामा सञ्चालित बालगृहको अवस्था र उनिहरूले गरिरहेको कामको बारेमा दशै अगाडि प्रतिवेदन बुझाउन निर्देशन दिएको छ ।
समितिले दर्ता नगरि सञ्चालनमा आएका र दर्ता भएरपनि समयमा रिर्पोट नपठाउने बालगृहका सञ्चालकहरूलाई यस्तो निर्देशन दिएको हो । जुम्लामा अहिले सरकारको सहयोग र व्यक्तिगत ढंगबाट गरेर ७ वटा बालगृह सञ्चालनमा रहेको जिल्ला बालकल्याण समिति जुम्लाका अध्यक्ष पूर्ण प्रसाद धितालले बताउनुभयो ।
उहाँका अनुसार मापदण्ड अनुसार सञ्चालन भएका बालगृहले पनि बालबालिकाको रिर्पोट समयमा समितिमा बुझाएका छैनन् ।
मापदण्ड विपरित सञ्चालनमा आएका बालगृहलाई तत्काल बन्द गर्नका लागि सबै बालगृहको रिर्पोट माग गरेको समितिले जानकारी दिएको छ ।
जुम्लामा सञ्चालन भएका सबै बालगृह सञ्चालकहरूले अनाथ, गरिब तथा द्धन्द्ध पिडित बालबालिकालाई संरक्षण दिदैँ आएको बताएका छन् । महिला विकास अधिकृत अनिता ज्ञवालीले वर्षको २ पटक बालगृहको अवस्था अवलोकन गरेर महिला तथा बालबालिका कार्यालयमा रिर्पोट पठाउनु पर्ने जानकारी दिनुभयो ।
मापदण्ड अनुसार बालगृह सञ्चालनका लागि बालबालिका भर्ना गर्नको लागि सम्बन्धित निकायले सिफारिस गरेको हुनुपर्ने बताउनु भएको छ ।
बालबालिकालाई कसैले पनि आफ्नो मनोमानी ढंगबाट भर्ना गर्न र अन्यत्र लैजान नपाउने र बालगृहमा भर्ना भएका बालबालिकाले पाउनु पर्ने सम्पूर्ण अधिकारको सुनिश्चित गरेर मात्र सञ्चालन गर्न पाउने प्रावधान रहेको समेत ज्ञवालीको भनाईछ ।

प्रकाशित मिति २०७२ असोज १९ गते मंगलवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: