कुपोषित बालबालिका र आमाका लागि पोषणगृह


प्रकाशित मिति :2015-10-07 11:48:16

महिला खबर 

बुटवल, असोज २० । १४ वर्षमुनिका कुपोषित बालबालिका र उनका आमालाई राखेर निशुल्क पोषणयुक्त खानेकुरा पकाउन र खुवाउन सिकाउने उद्देश्यले बुटवलमा पोषण पुर्नस्थापना गृह खुलेको छ । पोषण पुर्नस्थापना गृह बुटवलको लुम्बिनी अञ्चल अस्पतालमा सञ्चालन भएको छ ।
आमाहरूले पोषणयुक्त खानेकुरा खुवाउनेबारे नजान्दा बालबालिकामा कुपोषण भएको भन्दै आमालाई राखेर उपचार गराउने गरिएको इन्चार्ज रञ्जु क्षेत्री बताउँनुहुन्छ ।

          बुटवलमा रहेको पोषण पुर्नस्थापना गृहमा आफ्ना कुपोषित नानीबाबुलाई उपचार गर्न ल्याएका आमाहरू

        बुटवलमा रहेको पोषण पुर्नस्थापना गृहमा आफ्ना कुपोषित नानीबाबुलाई उपचार गर्न ल्याएका आमाहरू

यो गृहले स्थानीय स्तरसम्म आमाहरूलाई पोषणबारे जनचेतना जगाउने र कुपोषित बालबालिकालाई उपचारका लागि ल्याउने काम गर्दछ । पुर्नस्थापना गृहमा ४ जना नर्स र १ जना इन्चार्ज सहित ११ जना कर्मचारी रहेका छन् । नेपाल युथ फाउण्डेशन र नेपाल सरकारको बालस्वास्थ्य महाशाखाको समन्वयमा यो पुर्नस्थापना २ वर्षअघि खोलिएको हो ।

गृहले अहिलेसम्म ४ स्थानमा पोषण शिविर चलाएको छ । जसमा अहिलेसम्म १ सय ३१ जना बिरामी उपचारका लागि भर्ना भएका छन् । बालबालिकालाई कुपोषणबाट बचाउन ६ महिनासम्म आमाको दूध मात्रै खुवाउनु पर्छ । यसपछि थोरै–थोरै गर्दै आमाको दूधसँगै जाउलो, लिटो, गेडागुडी, फलफूल, दाल, भात, अण्डा, मासु खुवाउनुपर्ने पोषण पुर्नस्थापना गृह प्रमुख क्षेत्रीले बताउनुभयो ।

प्रकाशित मिति २०७२ असोज २० गते बुधवार

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: