थारु महिलाले यसरी मनाए जितिया


प्रकाशित मिति :2015-10-07 12:53:24

नारायण ढुंगाना

चितवन, असोज २०। कालो व्लाउज र सेतो धोतीमा सजिएका महिलाको घाँटीमा चाँदीको हँसुली छ । पाखुरा, नाडी र खुट्टामा चाँदीका मन्टिका, चकती, टाँडीया र गुडुल्ला लगाएका उनीहरूले परम्परागत भेषमा सजिएर जितीया पर्वमा रमाए ।

वर्षदिनमा एकपटक आउँने जितिया थारु महिलाले तीन दिनसम्म मनाउने गर्दछन् । आफ्नो र परिवारको सुखमय जिवनको कामना गर्दै तीन दिनसम्म ब्रत बस्ने र जितवहानको कथा सुन्ने प्रचलन छ ।

उनीहरूले जितिया पर्वमा झमटा नाचेर धुमधामले मनाईए । यही असोज १७ देखि सुरू भएको जितियाको १९ गते पारायण गरी साँझ मिठो मसिनो खाएर विदाई गरेका छन् ।

असोज कृष्ण पक्षको सप्तमीदेखि नवमीसम्म चाड मनाईन्छ । सप्तमीमा दर खाने अर्थात् लाहा खाने दिनको रुपमा मानिन्छ । अष्टमी अर्थात् दोस्रो मुख्य दिन अष्टमीमा उपवास बस्ने अनि सबै महिला जम्मा भएर झमटा नाँचेर रमाउँछन् । नवमीमा समापन हुन्छ ।

IMG_8028

अन्तिम दिन पारन गरेपछि जितीया समाप्त भएको मानिने थारु अगुवा बासुदेव चौधरीले जानकारी दिए । विहानै ब्रतालु थारु महिलाले नदी किनारमा गएर पुँजा आजा गरी घरमा झमटा नाचेर मनाउँछन् ।

थारु कल्याणकारीणी सभा चितवनका अध्यक्ष विश्राम महत्तोले जीतवहानको योगदानको पथमा लाग्न आग्रह गर्नुभयो । जितवहानको कथाले अनुशासन र नैतिकता र कर्तव्यपरायण बन्न प्रेरणा दिन्छ । पछिल्लो समयमा एकहप्ता अघिदेखिनै यो पर्व मनाउने गरिएको छ ।

थारु अगुवा बासुदेव चौधरी दशक अघि हराएको संस्कृतिलाई फेरी युवा पुस्तासम्म लोकप्रिय बनाउन एक दशकसम्म ठूलै संघर्ष गर्नुपरेको बताउँछन् । ब्रत बसेका महिलाले जलाशयमा नुहाएर माटोको प्रतिमामा पुँजा गर्दछन् ।

परिवारको कामना गरेर उनीहरूले गीत गाउँदै तेस्रो दिनको साँझ मिठो खाना खाएर यो चाडलाई विदा गर्ने परम्पराछ । मुख्य गरी जीतवहानलाई पुजा गरेर जितिया मनाईने चलन छ ।

प्रकाशित मिति २०७२ असोज २० गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: