दर्ता मात्रै महिलाको नाममा


प्रकाशित मिति :2015-10-07 14:54:34

महिला खबर

नेपालगन्ज, असोज २० । बाँकेमा महिला उद्यमीका नाममा दर्ता भएका प्रतिष्ठानको सञ्चालन पुरुषले गर्दै आएका  छन् । नेपालगन्ज उद्योग वाणिज्य संघमा दर्ता भएका महिलाका नामका ४ सय प्रतिष्ठान मध्ये करिव १ सय ५० प्रतिष्ठान पुरुषले सञ्चालन गर्दै आएको पाईएको छ ।

महिलाका नाममा दर्ता भएका फर्म तथा प्रतिष्ठानलाई बैंकिङ कारोवार गर्दा सहुलियत हुने भएकोले नाम महिलाको गर्ने तर, काम र दामचाहिँ आफैले चलाउने गरेको पाईएको नेपालगन्ज उद्योग वाणिज्य संघकी उप–महासचिव रचना श्रेष्ठको बुझाई छ ।

नेपालगन्ज उद्योग वाणिज्य संघको कार्यसमितिमा रहेका महिला उद्यमीहरू

नेपालगन्ज उद्योग वाणिज्य संघको कार्यसमितिमा रहेका महिला उद्यमीहरू

‘महिला उद्यमीलाई संघबाट विशेष सुविधा उपलब्ध गराउन नसके पनि कानुनी प्रक्रिया र बैंकिङ प्रक्रिया लगायतका विषयमा सहजिकरण गर्दै आएका छौँ ।’ श्रेष्ठले भन्नुभयो—‘अझै पनि महिला उद्यमी आफै अग्रसर हुन नसक्दा पुरुषनै अगाडि लाग्ने गरेका छन् ।’

अघिल्लो वर्षसम्म महिलाको नाममा दर्ता भएका प्रतिष्ठानको संख्या ३ सय ६५ रहे पनि अहिले ४ सय पुगिसकेको छ । पछिल्लो पटक सौन्दर्य व्यवसायमा महिलाको संलग्नता बढेको छ ।

नेपाल उद्योग वाणिज्य महासंघसँग समन्वय गरेर महिला उद्यमीलाई व्यवसाय व्यवस्थापन र अग्रसरता गराउन नेपालगन्ज उद्योग वाणिज्य संघले पहल गरिरहेको संघका अध्यक्ष कृष्णप्रसाद श्रेष्ठले बताउनुभयो ।

नेपालगन्ज उद्योग वाणिज्य संघमा अहिले उप–महासचिवमा रचना श्रेष्ठसँगै कार्य समिति सदस्यमा ताराकुमारी रोकाय, गंगा लम्साल र कुसुम बस्नेत रहनुभएको छ ।

प्रकाशित मिति २०७२ असोज २० गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: