वन मास्ने महिला


प्रकाशित मिति :2015-10-08 10:56:33

दुर्गा देवकोटा 

कैलाली, असोज २१ । कैलालीको लम्की चुहा नगरपालिका चिसापानीका महिला एका विहानै बञ्चरो बोकेर जंगलतिर लाग्छन् । उनीहरूले दैनिक तीन भारीसम्म दाउरा बोक्ने गरेको बताउँछन् । चिसापानीका अधिकांश महिलाले जंगलबाट दाउरा ल्याउने र बेच्ने काम गर्छन् । उनीहरूले तीन सय रुपैयाँदेखि ४ सय रुपैयाँसम्ममा एक भारी दाउरा बिक्री गर्ने बताए । चिसापानीमा करिव ५० जना महिलाले खुलेआम दाउरा बिक्री गर्ने काम गर्छन् ।

चिसापानीकी कला ठकुरीले आफूले दैनिक दाउरा बेचेर मासिक १२ हजार रुपैयाँसम्म आम्दानी गर्ने गरेको बताउनुभयो । ठकुरीले भन्नुभयो–‘मैले दाउरा बेचेर आफ्नो घर चलाएकी छु । बिहान साँझ घरको काम सकेर दाउरा लिन जंगल जान्छौँ । दिनमा दुईदेखि ३ भारीसम्म दाउरा बोक्छौं ।’

चिसापानी कै राधा राजीले आफूहरूले गर्ने अन्य सिप केही नभएका कारण दाउरा बेचेर आम्दानी लिन सजिलो भइरहेको बताउनुभयो । राजीले जंगल नजिक भएका कारण दाउरा काट्न र बेच्न सजिलो लाग्ने बताउनुभयो । सेक्टर वन कार्यालय बल्चौरका प्रमुख राजु मल्लले सामुदायिक वनमा दाउरा काट्नेलाई सामुदायिक वन समूहको निर्णय अनुसार कारवाही हुने व्यवस्था रहेको बताउंदै भन्नुभयो–‘काठ काट्नेलाई जिल्ला वन कार्यालयले कारवाही गर्छ ।’

सेक्टर वन कार्यालयका प्रमुख मल्लले चिसापानी क्षेत्रमा ढलेपढेका झिना मसिना दाउरा काट्नेलाई सम्झाएर छोड्ने गरिएको बताउनुभयो । प्रमुख मल्लका अनुसार अहिलेसम्म कसैलाई कारवाही भने गरिएको छैन । कैलालीमा वन संरक्षणका लागि १६ वटा इलाका वन कार्यालय र तीन वटा सेक्टर वन कार्यालय छन् ।

कैलाली जिल्लामा महिलाले नेतृत्व गरेका सामुदायिक वनहरू संरक्षणमा उदाहरणीय छन् । तर, वन फडानी कार्यमा पनि महिलाको उपस्थिति बढ्दै गएको छ । कैलाली जिल्लामा ४ सय ४४ वटा सामुदायिक वन छन् तीमध्ये ५८ वटा सामुदायिक वनको नेतृत्व महिलाले गरेका छन् ।

पुरुषले नेतृत्व गरेका सामुदायिक वनको तुलनामा महिलाले नेतृत्व गरेका सामुदायिक वनमा चोरी तस्करी कम हुने र पारदर्शी हुने गरेका सामुदायिक वन उपभोक्ता महासंघ कैलालीका अध्यक्ष तुलसी देवकोटाको भनाइ छ । अध्यक्ष देवकोटाले आर्थिक अवस्था कमजोर भएका महिला मात्रै जिविकोपार्जनका लागि वन फडानी जस्ता कार्यमा संलग्न हुने गरेका बताउनुभयो ।

अध्यक्ष देवकोटाले भन्नुभयो–‘महिला दाउरा र घाँस काट्ने कार्य मात्रै गर्छन् तर, पुरुषले ठूला–ठूला रुख काट्ने गर्दछन् ।’ उहाँले आफूहरूले महिलालाई वन मास्न हुँदैन भन्ने सन्देश दिने खालका कार्यक्रम निरन्तर गरिरहेको बताउनुभयो । सरकारले वन संरक्षणमा स्थानीयको सहभागिता बढाउन कै लागि सामुदायिक वनको नीति ल्याएको हो ।

प्रकाशित मिति २०७२ असोज २१ गते बिहीवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: