सरिताको हत्या कि आत्महत्या ?


प्रकाशित मिति :2015-10-08 15:32:05

निर्मला ठकुराठी

ललितपुर, असोज २१। ललितपुरको ठूलादुर्लुङ गाविस बालुवाडाँडाकी सरिता तिमल्सिनाको आत्महत्या नभइ हत्या भएको आशंका उनका माइती पक्षले गरेको छ। गत १७ गते आईतबार बिहान झुन्डिएको अवस्थामा फेला परेकी साढे चार महिनाकी गर्भवती तिमल्सिनाकोे मृत्यु रहस्यमय भएको भन्दै परिवारले आशङ्का गरेपछि उनका श्रीमान उपेन्द्र घिमिरेलाइ प्रहरीले नियन्त्रणमा लिएको छ।

७ महिना अघि तिमल्सिना र घिमिरेले आफूखुशी विवाह गरेका थिए। १९ वर्षीया तिमल्सिनालाई आईतवार घर नजिकै पाखामा रुखमा झुण्डिएको अवस्थामा फेला पारिएको थियो। मृतकको शव पोष्टमार्टमका लागि त्रिभुवन विश्वविद्यालय शिक्षण अस्पतालमा लगिएको र रिपोर्ट आएपछि मात्रै प्रारम्भिक जानकारी अनुसार अनुसन्धान कार्य अगाडी बढाउने चापागाउँ प्रहरीले जनाएको छ।

मृतकका फुपुका छोरा राजन प्रसाद बञ्जराले आफ्नी बहिनीको हत्या भएको हुनसक्ने बताउनुभयो। ‘बहिनीको शरीर भरी पोलेको फोकाहरू छन्, छाला पुरै खुइलिएकाे छ । हामीले त्यसको पनि मेडिकल रिपोर्ट मागेका छौ। मृतकको घाँटीमा पनि एउटा डोरीको निसाना पहिले नै थियो र पछि झुन्डिएको डोरीको निसाना अर्कै छ’ बन्जाराले भन्नुभयो। ‘एउटा डोरीले पासो लाएको भए दुइ ओटाको निशाना कसरी आयो ?’ उहाँ भन्नुहुन्छ।

बन्जाराले बहिनीको आधा शरीर भुइमा लत्रिएको भन्दै बसेर घाँटीमा डोरी लगाएजस्तो देखिएको बताउनुभयो। यी कुराले बहिनीले आत्महत्या गरेका भनेर पत्याउन नसकिने उहाँको भनाइ छ । डाक्टरले पनि प्रहरीको मुचुल्काको फोटोकपी, घट्नास्थलको फोटो अनि बहिनीको मोवाइलमा गएको म्यासेज मागेको बन्जाराले बताउनुभयो। अहिले प्रहरीले किटानी जाहेरी दर्ता गर्न नमानेकाले पोष्टमार्टम रिपोर्ट आएपछि पुन दर्ता गर्ने तयारीमा माइती पक्ष रहेको छ।

प्रकाशित मितिः २०७२ असाेज २१ गते बिहीवार

    Comment Here!

Related NEWS
मुख्य खबर

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

Read more
© 2015.All rights reserved by mahilakhabar.com
%d bloggers like this: