मध्यपश्चिममा मानव बेचविखन बढ्दो


प्रकाशित मिति :2015-10-09 12:02:25

महिला खबर 

नेपालगन्ज, असोज २२ । मानव बेचविखनविरुद्ध काम गर्ने संस्थाको संख्या बढेपनि मध्यपश्चिममा मानव बेचविखनका घटनामा कमि आउन सकेको छैन । बाँकेको नेपालगन्जस्थित नेपाल भारत सीमावर्ती क्षेत्रमा माइती नेपाल, साथी संस्था लगायतका आधा दर्जन बढी संस्थाहरू क्रियाशील छन् ।

मानव बेचविखनविरुद्ध कार्यरत संस्था माइती नेपालले आर्थिक वर्ष २०७१/०७२ मा मध्यपश्चिमका विभिन्न जिल्लाबाट भारत जाँदै गरेका ५ सय ९ जनालाई नेपालगन्ज नाकाबाट उद्दार गरेको हो ।

गत वर्ष ४ सय ४ जनालाई उद्दार गरिएको थियो । उनीहरूलाई सीमानबाट उद्धार पश्चात आफन्तको जिम्मा लगाईएको माईती नेपाल नेपालगन्जका संयोजक केशव कोईरालाले जानकारी दिनुभयो । उहाँका अनुसार यो अवधिमा सीमा नाकाबाटै ३ सय ६८ जनालाई परामर्श दिई फिर्ता गरिएको छ ।

गएको १२ महिनामा नेपालगन्ज नाकाबाट ५ सय ३ जनालाई माईती नेपालले मानव बेचबिखन र सुरक्षित बसाई सराई बारे जानकारी दिई पारिवारिक पुनर्मिलन गराएको छ । मानव बेचविखनविरुद्ध कामगर्ने संस्थाहरूको संख्या बढे पनि मानव बेचविखनका घटनामा कमी आउन सकेको छैन ।

गत आर्थिक वर्षमा मात्रै माइती नेपाल नेपालगन्जमा ३ सय ७३ जना महिलालाई खोजतलासको लागि निवेदन परेको छ । अघिल्लो आर्थिक वर्षमा ३ सय २८ निवेदन परेको थियो । ३ सय ७३ निवेदन मध्ये ४० जनामात्रै फेला परेको माइती नेपाल नेपालगन्जका संयोजक कोईरालाले बताउनुभयो ।

माइती नेपाल नेपालगन्जले श्रम र यौन शोषणमा परेका २० जनालाई गत आर्थिक वर्षमा उद्दार गरेको छ । माईती नेपालले मानव बेचविखन बिरुद्ध जनचेतना फैलाउने,सिमानामा सिमा निगरानि गर्ने, जोखिमपूर्ण यात्रामा रहेका महिला बालबालिकालाई उद्दार गर्ने आवश्यक परामर्श प्रदान गर्ने,बेचविखनमा परेका महिला बालबालिकको उद्दार, पुनस्थापना, खोजतलास लगायतका कार्य गर्दै आएको छ । यसैगरी साथी संस्थाले गत आर्थिक वर्षमा जोखिमपूर्ण यात्रामा रहेका १५३ महिला र ३० जना पुरुषलाई उद्धार गरेको छ ।

यो अवधीमा १ हजार ६४ जना पुरुष र ६४ जना महिलालाई सुरक्षित बसाई सराई सम्बन्धी परामर्श दिएको छ । साथी संस्थाको पुनस्र्थापना गृहमा अहिले तीन बालिका सहित १४ महिला रहेको साथी संस्थाकी क्षेत्रीय संयोजक कमला पन्तले जानकारी दिनुभयो ।

प्रकाशित मिति २०७२ असोज २२ गते शुक्रवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: