बालिकामैत्री समाज निर्माणका लागि काठमाडौं घोषणा पत्र जारी


प्रकाशित मिति :2015-10-13 14:13:13

महिला खबर

काठमाडौं, असोज २६ । बालिकामैत्री समाज निर्माणको परिकल्पना गर्दै ग्रामिण महिला सञ्जाल नेपालले आठ बुँदे काठमाडौं बालिका घोषणा पत्र सार्वजनिक गरेको छ । काठमाडौंमा भएको प्रथम बालिका सम्मेलनले नेतृत्व विकास, स्वास्थ्य र सुरक्षा , बालिका बेचविखन विरुद्ध, आयआर्जन तथा सीप विकास, बालिका हिंसा, गुरस्तरिय शिक्षा लगायतका विषयमा केन्द्रित रहेर सम्मेलनले यो घोषणा पत्र तयार गरेको रुओनका महासचिव ध्रुव प्रसाद घिमिरेले बताउनुभयो ।

जारी घोषणा पत्रमा भनिएको छ ‘लिङ्गका आधारमा परम्परागत रूपमा नेपाली समाजले अवलम्वन गर्दै आएको संस्कार, आचरण र अभ्यासले बालबालिकाप्रति गरिएको विभेद पहिचान गर्दै लैगिंक दृष्टिले न्यायपूर्ण समाजको स्थापनाका लागि नेपाली बालिकाहरूको भूमिका अपरिहार्य रहेको स्वीकार गर्दै लैगिंक समानताका लागि सचेत मनस्थितिका साथ आफू र आफ्नो घर–परिवारबाट सुधार ल्याउन आजैबाट लाग्न, र अरूलाई प्रोत्साहित गर्न आवश्यक रहेको ठहर गर्दछाै‌ ।’

Delegets photo

नेपालमा देखा परेको लैगिंक हिंसा अन्त्यका लागि आफूसम्बद्ध सामुदायिक, समिति तथा संस्थामा विभेदमुक्त संरचना, संगठन तथा वातावरण तयार पार्न आ–आफ्नो क्षेत्रबाट सक्रिय रहने प्रतिवद्धता रुओन नेपालले जारी गरेको घोषणा पत्रमा छ । लैगिंक हिंसा अन्त्यका लागि व्यक्तिस्वयं, परिवार, सरकारी तथा गैरसरकारी संस्था र धार्मिक संघ संस्थाहरूमा बालिका तथा महिला सहभागी गराउन रणनीतिक योजना तथा कार्य निर्देशिका तयार गरी लागु गर्ने र गराउने योजना रुओनको रहेको छ ।

शैक्षिक संस्थाहरू विद्यालयदेखि विश्वविद्यालयसम्म बालिकामैत्री शिक्षा एवं छोराछोरीका विचको विभेद अन्त्यका लागि परिवार, नेतृत्व र राज्य संयन्त्रलाई समान रूपमा उत्तरदायी बनाउन उत्प्रेरित गर्ने बालिका काठमाडौं घोषणा पत्रको उदेश्य रहेको छ । नेपाललाई बालिका हिंसामुक्त बनाउन देशव्यापी सचेतना अभियान सञ्चालन गरी सबै वर्ग र समुदायका महिला, पुरुष, तेश्रो लिंगीहरूका लागि नागरिक शिक्षा अभियान संचालन गर्ने कुरा घोषणा पत्रले बोलेको छ ।

महिला, पुरुष र यौनिक तथा लैगिंक अल्पसंख्यकबीचको विभेदलाई अन्त्य गर्न सकारात्मक विभेदको अवधारणा अंगीकार गर्दै लैंगिक सचेतनाका साथ समानताका लागि अभियान चलाउने बालिका घोषणा पत्रमा उल्लेख गरीएको छ ।

प्रकाशित मिति २०७२ असोज २६ गते मंगलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: