म मन्त्री हुन्न : एमाले उपाध्यक्ष अष्टलक्ष्मी शाक्य


मन्त्री हुने चर्चामा को को छन् महिला ?

प्रकाशित मिति :2015-10-13 15:46:14

महिला खबर

ललितपुर, असोज २६ । मन्त्रिमण्डल विस्तारको क्रम जारी नै रहेका बेला मन्त्री हुनका लागि केही महिलाको नाम चर्चामा आएको छ । मन्त्रीका लागि नेकपा एमालेबाट अष्टलक्ष्मी शाक्यको नाम चर्चामा छ । यसैगरि एनेकपा माओवादीबाट रेखा शर्मा, ओनसरी घर्ती, सीता नेपाली र आशा कोइरालाको नाम चर्चामा आएको छ भने राष्ट्रिय प्रजातन्त्र पार्टी नेपालबाट कुन्ति शाहीको नाम आएको छ ।

मन्त्रिमण्डलमा समावेस हुने भनेर चर्चामा आएकी नेकपा एमाले उपाध्यक्ष अष्टलक्ष्मी शाक्यले आफू सरकारमा नजाने महिला खबरलाई बताउनुभयो । उहाँले आफू यसअघि पनि २ पटक  मन्त्री भइसकेकाले अरु साथीहरूलाई  सरकारमा पठाउन सल्लाह गरिरहेको उहाँले बताउनुभयो । ‘संघर्ष गरेर आएका पुराना साथीहरू धेरै छन् जसले मौका पाएका छैनन्, उनीहरूलाई पठाउनुपर्छ भन्ने मेरो मान्यता रहेको छ’— शाक्यले भन्नुभयो ।

उहाँले भन्नुभयो, ‘अहिले श्रीमाया थकालीलाई सरकारमा पठाउने तयारी भइरहेको छ । जयन्ती राई, गरिमा शाह पनि छन् । उनीहरूलाई मौका दिनुपर्छ ।’ मन्त्री हुन सांसद हुनुपर्ने भएकाले अझै धेरै साथीहरू बाहिर रहेको उहाँको भनाइ थियो ।

मन्त्रिपरिषद गठनकै क्रममा सोमबार नै केही नभएपनि एकजना महिला पठाउनु पर्ने थियो त्यो नहुँदा साह्रै दुःख लागेको शाक्यको भनाइ थियो । मन्त्रिमण्डलमा एकतिहाइ महिला पुर्‍याउनै पर्ने उहाँ बताउनुहुन्छ ।

यसैगरि सरकारमा रहेको दास्रो ठुलो दल एनेकपा माओवादी सांसद रेखा शर्माले नाम चर्चामा आएपनि टुङ्गो लागि नसकेको बताउनुभयो । आजै हुन लागेको पार्टीका शिर्ष नेतासहितको बैठकले यसको टुङ्गो लगाउने उहाँको भनाइ छ ।

एनेकपा माओबादीबाट मन्त्रिमण्डलमा जाने ८ जनामध्ये कम्तिमा ३ जना महिला पठाउनुपर्ने कुरा पार्टी भित्र उठाइरहेको उहाँले जानकारी दिनुभयो ।

यसैगरि राष्ट्रिय प्रजातन्त्र पार्टी नेपालका तर्फबाट सांसद कुन्ति शाही मन्त्री वा उपसभामुख दुईमध्ये एक हुने चर्चा छ । आजै बस्ने बैठकमा उहाँको पदको टुङ्गो लाग्ने राप्रपा नेपालले जनाएको छ ।

यसैबीच नेकपा एमालेका अर्का उपाध्यक्ष विद्या भण्डारी राष्ट्रपती हुने चर्चा छ । एमालेबाट सभामुख सभाषचन्द्र नेम्वाङ्ग र भण्डारीकाे नाम चर्चामा  छ र भण्डारी कै स्थिती बलियाे भएकाे बताइएकाे छ ।

प्रकाशित  मिति: २०७२ असाेज २६ गते मंगलवार

    Comment Here!

Related NEWS
मुख्य खबर

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

Read more
© 2015.All rights reserved by mahilakhabar.com
%d bloggers like this: