विद्या भण्डारी राष्ट्रपति पदका लागि योग्य र सक्षम : अधिकारकर्मी


महिला आन्दोलनको महत्वपुर्ण उपलब्धि

प्रकाशित मिति :2015-10-14 16:14:13

महिला खबर

ललितपुर, असोज २७। नेकपा एमालेका उपाध्यक्ष विद्या भण्डारी राष्ट्रपति बन्ने लगभग निश्चित भएको चर्चा चलिरहँदा महिला अधिकारकर्मीले यसको स्वागत गरेका छन्। यसलाई महिला आन्दोलनको महत्वपुर्ण उपलब्धिका रुपमा लिनुपर्ने उनीहरूको प्रतिक्रिया छ।

अधिकारकर्मी दुर्गा घिमिरेले शसक्त संरचनाको माथिल्लो तहमा महिला आउनु निकै गर्वको विषय भएको बताउनुभयो। महिलाले दिएको दवावको परिणाम स्वरुप यो उपलब्धी हासिल गर्न सकिएको उहाँको भनाइ थियो। उहाँले विद्या भण्डारी राष्ट्रपति पदका लागि योग्य, सक्षम भएको र राष्ट्रिय राजनीति बुझेको व्यक्ति भएको प्रतिक्रिया दिनुभयो।

अधिकारकर्मी सपना मल्ल प्रधानले भने विद्या भण्डारी राजनीतिको माथिल्लो पदमा पुगेको हुनाले उहाँ राजनीति मै सक्रिय हुनुपर्ने सुझाव दिनुभयो। उहाँले भन्नुभयो ‘विद्या भण्डारी सक्रिय राजनीति मै रहेर पार्टी वा सरकारको नेतृत्व गर्नुपर्छ।’ ‘महिला राष्ट्रपति हुनु स्वागत योग्य हो, तर, राष्ट्रपति पद संवैधानिक भएकाले यो भन्दा सक्रिय भुमिकामा बस्नुपर्छ’ मल्लले भन्नुभयो।

यसैगरि महिला अधिकारकर्मी दुर्गा सोवले विद्या भण्डारीको नाम राष्ट्रपति बन्ने चर्चाले नेपालको महिला आन्दोलनको नयाँ आयाम र अध्याय सुरु भएको प्रतिक्रिया दिनुभयो। ‘राष्ट्रप्रमुखले देश र राजनीतिक दलहरूलाई मार्ग निर्देश गर्ने हो, यस्तो पदमा महिला आउनु निकै गर्वको विषय हो’ उहाँले भन्नुभयो।’

नेपाल टेलिभिजनकी निर्देशक दिपा गौतमले दलहरूको यो निर्णयले नेपाली महिला आन्दोलनले दलको नेतृत्व तहमा सकारात्मक परिवर्तन गर्न सफल भएको मान्नुपर्ने प्रतिक्रिया दिनुभयो। उहाँले आम महिलाका लागि यो निकै नै गर्वको विषय भएको बताउनुभयो।

यसैगरि लेखक रामेश्वरी पन्त सयौं वर्षदेखिको महिला आन्दोलनको सफलताका रुपमा यसलाई लिनुपर्ने बताउनुहुन्छ। ‘यो कुनै एउटा पार्टीको मात्रै होइन समग्र महिलालाई गर्व लाग्ने विषय हो’ उहाँ भन्नुहुन्छ।

युवा नेता राम कुमारी झाँक्रीले महिला आन्दोलनको मुद्दा स्थापित भएको फलस्वरुप यस निर्णयलाई लिनुपर्ने बताउनुहुन्छ। ‘यो आम महिलाका लागि निकै खुशी र गौरवयोग्य कुरा हो’ उहाँ भन्नुहुन्छ।

यसैगरि अधिकारकर्मी सुमी लामाले महिला आउनु एकदम गर्वको कुरा भएपनि एक ठाउँमा मात्रै नभइ समानुपातिक रुपले सवै ठाउँमा आउनु पर्ने बताउनुभयो। महिला जुन पदमा आएपनि महिलाको मुद्दामा गम्भीर भई सम्बोधन गर्नुपर्ने कुरामा उहाँले जोड दिनुभयो।

प्रकाशित मितिः २०७२ असाेज २७ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: