नाकाबन्दीले यो वर्षको व्यापार डावाँडोल : व्यवसायी


प्रकाशित मिति :2015-10-15 14:47:28

नाकाबन्दी, बन्द हड्ताल र भूकम्पका कारण यो वर्षको दसैैंमा खासै उल्लास छैन । सानोतिनो व्यापार व्यवसाय गरेर जिवीकोपार्जन गर्दे आएका व्यवसायीहरूको दसैं झन कष्टपुर्ण हुँदैछ । साना व्यवसायीले होलसेल पसलमा स्टकमा रहेका सामान ल्याएर फाट्टफुुट्ट बेच्ने गरेका छन्, नयाँ सामान आएकै छैन ।

सविता श्रेष्ठ

काठमाडौं, असोज २८ भोजपुरकी नानीमाया भारती कपडा व्यापारी हुन् । १८ वर्षदेखी उनले काठमाडौंको भृकुटीमण्डपमा कपडाको व्यापार गर्दै आएकी छन् । उनका श्रीमानले पनि भृकुटीमण्डप मै जुत्ता चप्पलको व्यापार गर्छन् । उनका लागि यो वर्षको दसैं निकै खल्लो  हुने भएको छ ।

वर्षभरिमा सबैभन्दा बढी व्यापार हुने दसैंको समय भएपनि उनले यो वर्ष राम्रोसँग व्यापार गर्न पाईनन् । नानीमायाले भनिन् –‘अघिल्ला वर्षहरूको भन्दा धेरै कम व्यापार छ, नयाँ सामान नै आएको छैन ।’

महाबौद्धका होलसेल पसलबाट सामान ल्याएर बिक्री गर्ने गरेको उनी बताउँछिन् । अघिल्ला वर्षमा दसैं मनाउन उनको परिवार भोजपुर जाने गरेको थियो । यो वर्ष तेल अभावमा यातायात राम्रोसँग नचलेकाले  भोजपुर जान नसकिने उनले बताईन् ।

शर्मिला कार्कीले रत्नपार्क नजिक फुटपाथमा तयारी पोशाकको व्यापार गर्दै आएकी छन् । यो वर्ष दसैंको लागि बेच्ने सामान नपाएको  गुनासो उनले गरिन् । ‘नयाँ सामान पाईएन’ उनी भन्छिन् –‘पुरानो स्टकको सामान ल्याएर बेचिराखेको छु ।’ ठूला ठूला सपिङ मलमा जान नसक्ने मानिसहरू फुटपाथमा किन्न आउने गरेको उनी बताउँछिन् । आफू जस्ता फुटपाथ व्यापारीले कम नाफा खाएर सामान बेच्ने उनको दाबी छ । ‘तर, यसपाली एक त बाहिर बाट सामान आएको छैन । अलि अलि भएको सामान पनि बेच्न पनि नाकाबन्दीका कारणग्राहक बजार आउने सकेको छैनन्’— उनले भनिन् ।

बागबजार बस्ने विष्णुमाया पाण्डेले १५ वर्षदेखी भृकुटीमण्डपमा व्यवसाय गरिरहेकी छिन् । पसल चलाएर भएको आम्दानीले दुई छोराछोरीलाई पढाउन र घर खर्च गर्न पुग्ने उनी बताउँछिन् । महाबौद्धबाट सामान ल्याएर बेच्ने गरेकी उनी भन्छिन् –‘जहिले जहिले सामान चाहिन्छ, त्यती बेला नै लिन जान्छु , तर,यो वर्ष आफूले सोचेजस्तो आम्दानी गर्न नपाएको उनी बताउँछिन् । ‘व्यापार छैन’ उनले भनिन्–‘किन्न  आएका थोरै ग्राहकलाई भनेजस्तो  नयाँ सामान बेच्न पाएकी छैन, सामान नै आएको छैन ।’

देशको परिस्थितिले गर्दा आफ्नो गरिखाने व्यवसाय समेत डावाँडोल भएको व्यवसायीहरूको गुनासो छ । गाडी नचल्दा सामान आउन नसेकेपनि भण्डारमा भएका सामान ल्याएर उनीहरुले धेरथोर बिक्री गरिरहेको छन् ।  भृकुटीमण्डपमा व्यापार गर्ने व्यवसायीले पसलको आकार अनुसार मासिक २५ सयदेखी ५ हजारसम्म  भाडा तिर्ने गरेका छन् ।

मध्यमवर्गीय तथा कम आम्दानी गर्ने परिवारको किनमेल गर्ने ठाउँ हो भृकुटीमण्डप । लक्ष्मी ढकालले परिवारका लागि आवश्यक लत्ताकपडा भृकुटीमण्डपमा नै किनिन् । रोजेर र मोलमोलाई गरेर कपडा किन्न पाउने भएकोले भृकुटीमण्डप रोजाईमा पर्ने गरेको उनले बताईन् ।

५ वर्षदेखी भृकुटीमण्डपमा पसल गरेकी ईशा भण्डारीले  पोहोरको भन्दा  निकै कम ग्राहक आएको बताउँछिन् । अघिल्लो वर्षको तुलनामा निकै कम व्यापार भएको उनले सुनाईन् ।

प्रकाशित मिति :२०७२ असाेज २७ गते विहिवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: