सभामुखमा वनसरीको उम्मेदवारी दर्ता


नेमकिपाकाे पनि उम्मेद्वारी

प्रकाशित मिति :2015-10-16 14:38:43

महिला खबर

काठमाडौँ, असोज २९ । एकीकृत नेकपा माओवादीका सांसद वनसरी घर्तीले सभामुख पदका लागि उम्मेदवारी दर्ता गराउनुभएको छ ।

व्यवस्थापिका–संसद् भवन नयाँ बानेश्वरमा आज दिउँसो १ः ४५ बजे उहाँले सभामुखको उम्मेदवारी दर्ता गराउनु भएको हो । घर्तीको प्रस्तावकमा नेकपा एमालेका उपाध्यक्ष विद्या भण्डारी हुनुहुन्छ भने समर्थकमा राष्ट्रिय प्रजातन्त्र पार्टी नेपालका सांसद कुन्ती शाही र बहुजनशक्ति पार्टीका सांसद विश्वेन्द्र पासवान हुनुहुन्छ ।

यस्तै, उपसभामुखमा राष्ट्रिय प्रजातन्त्र पार्टी नेपालका सांसद गङ्गाप्रसाद यादवको उम्मेदवारी परेको छ । उहाँको प्रस्तावक एमालेका सांसद शत्रुघन महतो र समर्थकमा एमाओवादीका सचेतक रेखा शर्मा हुनुहुन्छ ।

व्यवस्थापिका–संसद्ले तय गरेको कार्यतालिका अनुसार आज दिउँसो २ बजेसम्म बहुमतीय प्रक्रियाका आधारमा सभामुख र उपसभामुख पदका लागि उम्मेदवारी दर्ता गराउनुपर्नेछ ।

नयाँ संविधानअनुसार व्यवस्थापिका–संसद्को अधिवेशन सुरु भएको २० दिनभित्र सभामुख र उपसभामुख पदको नयाँ निर्वाचन गर्नुपर्ने व्यवस्था रहेको छ । पूर्व सभामुख सुवास नेम्वाङ र उपसभामुख ओनसरी घर्तीले राजीनामा दिनुभए पछि आज नयाँ निर्वाचन हुन लागेको हो ।

यसअघि सभामुख पदमै नेपाल मजदुर किसान पार्टीका अनुराधा थापा र उपसभामुखमा सोही पार्टीका डिल्लीप्रसाद काफ्लेले समेत उम्मेदवारी दर्ता गराउनुभएको छ ।

आज दिउँसो ३ बजे बस्ने संसद्को बैठकमा सभामुखको निर्वाचन हुनेछ भने साँझ ५ बजे उपसभामुख चयन हुनेछ ।

प्रकाशित मितिः २०७२ असाेज २९ गते शुक्रवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: