चाडवाडमा महिला असुरक्षित


महङ्गा गहना नलगाउन प्रहरीको अनुरोध

प्रकाशित मिति :2015-10-18 13:15:45

खेमा बस्नेत

धनगढी,कार्तिक १। चाडबाड नजिकिंदै गर्दा सर्वसाधारणले आफ्नो जीउधनको सुरक्षाको लागि चनाखो हुनुपर्ने देखिएको छ। त्यसमा पनि महिलाले आफ्ना क्रियाकलाप गर्दा अझ बढी होसियारी अपनाउनु पर्ने छ। उनीहरूले चाडपर्वको समयमा गरगहनालगायत मंहगा पहिरन लगाउने भएकाले त्यसको सुरक्षाको लागि चनाखो हुनुपर्ने भएकोे हो।

शनिबार धनगढीमा लुटपाटको घटनाले पनि यो तथ्यलाई पुष्टि गरेको छ। शनिवार एक महिला दिनदहाडै लुटिएकी छिन्। आफ्नो पसल बसिरहेकी उनीमाथि एकाएक आक्रामण भयो। घाँटीमा लगाएको सुनको सिक्री लुटियो।

ग्राहकलाई सामान वेचिरहेको अवस्थामा एक युवक पसलमा ग्राहकको आए। अरु ग्राहक गइसकेपछि ग्राहकको शैलीमा उनले सामान मागे। सामान देखाएर ती महिलाले समानतिर हेरेको अवस्थामा ती युवकले घाँटीमा लगाएको सिक्री थुतेर फरार भए।

सिक्री लगेर लुटेरा फरार भए। लुटेरा दौडेर भागेपछि उनी पनि स्कुटरमा पिछा गरिन्। आफन्तलाई बोलाईन्। भाग्दै गएका लुटेरा भाग्ने ठाउँ नपाएपछि समातिए। महिलाले आफ्नो गहना जोगाउन सफल भइन्।दिउँसै लुट्न खोज्ने धनगढी बस्ने २५ वर्षीया राज शाहलाई स्थानीयको सहयोगमा प्रहरीले नियन्त्रणमा लिएको छ। उनलाई वडा प्रहरी कार्यालयमा राखिएको वडा प्रहरी कार्यालय धनगढीका इन्चार्ज मनोहरप्रसाद भट्टले बताए।

यसरी घरबाटै लुटिन थालेपछि यहाका महिला त्रसित बनेका छन्। घरमा पुरुष नभएको परिवारका महिलाले अझ बढी असुरक्षा महसुस गरेका छन्। चाडपर्वको वेला टाढा रहेका राम्रा नराम्रा आचरणधारी मानिसहरूको आवतजावत हुने भएकाले अपराधीले मौका छोप्ने गर्दछन्।धनगढी बजारमा दिउँसै भएको यो घटनाले पनि चाडपर्वमा अपराधिक गिरोह सक्रिय भइसकेको देखाएको प्रहरीले जनाएको छ।

महङ्गा गरगहना नलगाउने र लगाएर घर बाहिर एक्लै नजाने, अवेरसम्म घुमफिर नगर्ने, शंकास्पद मानिससँग घुलमिल नगर्ने र अनावश्यक प्रलोभनमा नपर्ने र किनमेल गर्दा आफन्त वा साथीसँग सँगसँगै गर्न समेत प्रहरीले आग्रह गरेको छ।

यद्यपी वडा प्रहरी कार्यालय धनगढीका प्रहरी निरीक्षक मनोहर प्रसाद भट्टटले सुरक्षाको प्रवन्ध कडा तुल्याइएकोले डराउनुपर्ने अवस्था नभएको बताए।’महिला मैत्री सुरक्षा अपनाएका छौ’ भट्टले भने’ डराउनु पर्ने अवस्था छैन।’

प्रकाशित मितिः २०७२ कात्तिक १ गते अाईतवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: