चाउमिन बेचेर मासिक ३० हजार रुपैयाँभन्दा बढी कमाई


प्रकाशित मिति :2015-10-19 15:23:24

खेमा बस्नेत

कैलाली , कात्तिक २ । २०६२ सालमा धनगढीमा रहेको पार्कमोडमा ठेला व्यवसाय सुरु गरेका दिदी बहिनी आशा र अम्बिकाले अहिले मासिक ३० हजार रुपैयाँ भन्दा बढी आम्दानी गर्ने गरेका छन् । २०६२ सालमा ५ रुपैयाँ कचौरामा गहुँको पिठोको झोलमा चाउमिन बेचेर दैनिकी गुजारा गर्दै आएका उनीहरूले अहिले मासिक ३० देखी ३६ हजार रुपैयाँसम्म आम्दानी गर्छन् । आफ्नो व्यवसाय प्रति सन्तुष्ट भएको उनीहरू वताउँछन् ।

chaow

‘१० वर्ष भयो ठेलामा चाउमिनको व्यापार गर्न सुरु गरेको । यही व्यवसायवाट घरपरिवार चलेको, दैनिक १ हजार देखी १२ सय सम्म कमाई हुन्छ ’ आशा चौधरीले भनिन् । उनीहरूले दैनिक आम्दानी गरेको पैसा सहकारीमा जम्मा गर्छन् । जम्मा गरेको पैसा चाहिएको समयमा मात्र झिक्ने गरेको उनीहरू वताउँछन् ।

स्कुल तथा क्याम्पस पढ्ने किशोरीको विशेष रोजाईको नास्ता चाउमिन खान दैनिक ३० देखी ६० जना युवायुवती आउने उनीहरू बताउँछन् । चट्पटे,पिरो, अमिलो हुने भएकाले विशेष झोल चाउमिन खान आउने गर्छन्, १० वर्ष पहिला ५ रुपैयाँ पर्ने आधा प्लेट चाउमिनलाई अहिले २० रुपैयाँ र फ्राइ चाउमिन आधा प्लेटलाई २५ रुपैयाँ पर्छ’ उनले भनिन् ।

उनीहरूले भने ‘श्रीमानमात्रैले कमाउँदा घरपरिवारको खर्च चलाउन धेरै समस्या हुन्थ्यो । अहिले त्यो समस्या छैन, अहिले छोराछोरीलाई पढाउन खर्च चलाउन सहज भएको छ ।’कुनै सीप नसिकी व्यवसाय सुरु गरेका उनीहरूले पछि तालिम लिएर काम गर्दा धेरै फरक परेको वताउँछन् । सुरुमा झोल चाउमिन मात्र विक्री गर्ने गरेपनि तालिम लिएपछि सिमी, समोस बनाउन सिकेको र आम्दानी समेत बढेको उनीहरूको भनाइ छ ।

कैलालीमा महिलाको ठेला व्यवसाय तर्फ आकर्षण बढेको देखिन्छ । धेरै महिला ठेलामा गर्न मिल्ने व्यवसाय सम्बन्धि तालिम लिएर आत्मनिर्भर भएका छन् । धनगढीको पार्कमोडमा मात्रै ७ जना महिलाले लामो समयदेखी ठेलामा बिभिन्न व्यापार व्यवसाय गर्दै आएका छन् । धनगढी नगरपालिकोे तथ्यांक अनुसार धनगढी नगरभित्र जम्मा १ हजार ५२ रिक्सा ठेला दर्ता छन् जसमा नगरभित्र ९८ जना महिलाले ठेला व्यवसाय गर्दै आएको धनगढी नगरपालिकाले जनाएको छ ।

प्रकाशित मिति: २०७२ कात्तिक २ गते सोमवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: