महिलाको युग शुरु


प्रकाशित मिति :2015-10-19 16:07:31

महिला खबर 

पोखरा, कात्तिक २ । सभामुखमा ओनसरी घर्ती निर्वाचित भएपछि अब राजनीतिक वृत्तमा महिलाको युग शुरु भएको पोखरामा आयोजित कार्यक्रममा वक्ताहरूले बताएका छन् ।  नवदुर्गाको अवसर पारेर राष्ट्रिय सम्पदा तथा जनअधिकार संरक्षण समिति, नेपालले आयोजना गरेको शुभकामना आदान प्रदान एवं सम्मान कार्यक्रममा प्रा. डा. दिलबहादुर क्षेत्रीले ओनसरी घर्ती सभामुख भएर महिला शक्ति र क्षमतालाई सावित गरेको भन्दै यससँगै अब महिलाको युग शुरु भएको बताउनुभयो । उहाँले भारतले लगाएको नाकाबन्दी हेपाहा प्रवृत्तिको ज्वलन्त उदाहरण भएको भन्दै स्वाभिमानी नेपालीले राष्ट्रियताको लडाइमा झुक्न नहुने बताउनुभयो ।

वरिष्ठ अधिवक्ता तिलक पराजुलीले परापुर्वकालमा जस्तै अब महिला शक्तिको पुनरावृत्ति हुन लागेको भन्दै अब समाजले काँचुली फेर्ने संकेत गरेको बताउनुभयो ।

समितिका अध्यक्ष प्रा.डा. भवानीप्रसाद पाण्डेले अनुत्पादक श्रममा जिवन विताएका महिला अघि सरेर राष्ट्र निर्माणको अभियानमा सामेल हुनुपर्ने बताउनुभयो । हिमाल, पहाड, तराई, जातजाति समृद्ध नभएसम्म मुलुकले स्थायित्व, शान्ति र समृद्धि प्राप्त गर्न नसक्ने उहाँको भनाइ थियो ।

सचेतना समाज पोखराका अध्यक्ष एवं अधिवक्ता सुरेन्द्र थापामगरले महिलालाई लक्ष्मी, सरस्वती, दुर्गाका प्रतिमुर्ती भनिएपनि सदियौंदेखि उनीहरूलाई नै थिचोमिचोमा पारिँदै आएको भन्दै अब अधिकारविहीन महिलाको न्यायका लागि लड्नु पर्ने बेला आएको बताउनुभयो ।

सो अवसरमा समितिका महासचिव रामबहादुर पौडेलले नेपालको सभामुख जस्तो गरिमामय पदमा पहिलो पटक महिला पुग्न सफल भएकोमा खुशी प्रकट गर्नुभयो । नयाँ संविधान प्राप्तिसँगै देखिएका अवरोधलाई चिर्न राजनीतिक दलहरू अग्रसर भएर लाग्न सुझाव दिनुभयो । उहाँले राष्ट्रिय स्वाधिनतको लडाईंमा नेपालीको जित हुने विश्वास व्यक्त गर्नुभयो ।

यस अवसरमा विभिन्न क्षेत्रका पाँचजना महिलालाई सम्मान समेत गरिएको थियो । सम्मानित हुनेमा संचारिका समूह पश्चिमाञ्चलका अध्यक्ष जमुना वर्षा शर्मा, पोखरा नगरस्तरीय महिला समन्वय समिति अध्यक्ष पवित्रा गुरुङ, मानव मिलन नारी जागरणका अध्यक्ष सावित्री शर्मा, महिला मानव अधिकार रक्षक संजालका संयोजक सरिता थापा, राष्ट्रिय सम्पदा तथा जनअधिकार संरक्षण समितिका उपाध्यक्ष शशि तुलाचनलाई समाज रुपान्तरणमा क्रियाशील भएको भन्दै पञ्च देवीको रुपमा सम्मान गरिएको हो ।

प्रकाशित मिति: २०७२ कात्तिक २ गते सोमवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: