राष्ट्रपति पदकाे उम्मेदवारी दर्ता अाज


उपराष्ट्रपति पदकाे निर्वाचन १४ गते शनिवार हुने

प्रकाशित मिति :2015-10-27 10:09:02

महिला खबर 

काठमाडौं, कात्तिक १० । राष्ट्रपति  पदका लागि व्यवस्थापिका संसद सचिवालयमा अाज उम्मेदवारी दर्ता हुँदैछ । सचिवालयले उम्मर्दवारी दर्ताका लागि  बिहान १० देखि १ बजेसम्म  समय दिएकाे छ । सहमतिका आधारमा राष्ट्रपति र उपराष्ट्रपतिको चयन नहुँदा सङ्घीय लोकतान्त्रिक गणतन्त्र नेपालको पहिलो राष्ट्राध्यक्ष बहुमतका आधारमा गाेप्य मतदानबाट चुनिन लागेकाे हाे ।

नयाँ राष्ट्रपतिको चुनावका लागि  कात्तिक ११ गते अपराहृन ३ बजे व्यवस्थापिका संसदमा गोप्य मतदान हुने भएको छ ।सत्तारुढ दलको तर्फबाट राष्ट्रपतिका लागि एमालेका उपाध्यक्ष विद्यादेवी भण्डारी र उपराष्ट्रपतिको लागि  एमाओवादीका नन्दबहादुर पुनले उम्मेदवारी दिँदै हुनुहुन्छ ।यता प्रमुख प्रतिपक्षी दल नेपाली कांग्रेसले पनि राष्ट्रपति र उपराष्ट्रपति पदका लागि   छुट्टै उम्मेदवारी दिने भएकाे छ ।

यसैवीच उपराष्ट्रपति पदको निर्वाचन कात्तिक १४ गते शनिबार बिहान ११ बजे हुने भएको छ । व्यवस्थापिका–संसद् सचिवालयले यसअघि उपराष्ट्रपति पदको निर्वाचन भोलि बुधबारका लागि तोकेको थियो । सभामुख ओनसरी घर्तीले विशेष कारणवश उपराष्ट्रपति पदको निर्वाचन १४ गते शनिबार बिहान ११ बजे गर्ने गरी मिति र समय संशोधन गर्न तोक्नुभएको व्यवस्थापिका–संसद् सचिवालयद्वारा जारी सूचनामा जनाइएको छ ।

सचिवालयले आज प्रकाशन गरेको निर्वाचन कार्यक्रमअनुसार उपराष्ट्रपति पदमा राजनीतिक सहमति कायम नभएमा १३ गते १० देखि १ बजेसम्म उम्मेदवारीको प्रस्ताव दर्ता गर्ने, १ः३० बजे उम्मेदवारको नामावली प्रकाशित गर्ने, २ बजे उम्मेदवारको नामावलीउपर दाबी विरोध गर्ने, २ः३० बजेसम्म उम्मेदवारी फिर्ता लिनका लागि समय निर्धारण गरिएको छ ।

त्यसैगरी उपराष्ट्रपति पदको उम्मेदवारको अन्तिम नामावली सोही दिन ३ बजे प्रकाशन गर्ने, १४ गते शनिबार बिहान ११ देखि २ बजेसम्म गोप्य मतदान हुने, २ः३० बजे मतगणना, ४ः४५ बजे निर्वाचनको परिणाम सभामुखसमक्ष पेस गर्ने र अपराह्न ५ बजे निर्वाचन परिणाम व्यवस्थापिका–संसद्मा घोषणा गर्ने निर्वाचन तालिकामा उल्लेख छ ।

प्रकाशित मितिः२०७२ कात्तिक १० गते मङ्गलवार 

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: