विद्या भण्डारीको जित निश्चितः सांसद


१ बजेसम्म ५४१ मत खस्याे

प्रकाशित मिति :2015-10-28 13:07:51

महिला खबर

काठमाडौं, कात्तिक ११। सामान्य प्रशासन मन्त्री रेखा शर्माले महिला राष्ट्रपति पदमा आउनु गणतन्त्र नेपालका लागि गौरवको विषय भएको प्रतिक्रिया दिनुभएको छ। राष्ट्रपतिलाई मतदानमा सहभागी हुन संसद भवन नयाँ बानेश्वर पुग्नु भएकी मन्त्री शर्माले बिद्या भण्डारी जित निश्चित भएको दावी गर्दै नेपालका लागि यो एउटा नमुनायोग्य काम हुने बताउनुभयो।

महिला कुशल र सक्षम भएको भन्दै उहाँले महिलाले राज्यका जनसुकै जिम्मेवारी कुशलतापुर्वक र जिम्मेवार भएर निभाउने बताउनुभयो।

यसैगरि एमाले सांसद ममता गिरीले महिला ठुलो पदमा आउनु महिला आन्दोलनको ठुलो उपलब्धि भएको प्रतिक्रिया दिनुभयो। राष्ट्रपति र सभामुखले कुनैपनि निर्णयमा प्रत्यक्ष हस्तक्षेप गर्न नमिल्ने भएपनि अन्तिम निर्णयमा चाहिँ उनीहरू कै हात हुनाले नेपाली महिलाका लागि उहाँहरूले काम गर्नुहुनेछ भन्ने विश्वास आफूलाई लागेको बताउनुभयो।

आजको राष्ट्रपति निर्वाचनमा नेकपा एमाले उपाध्यक्ष विद्या भण्डारी र नेपाली काग्रेंसका नेता कुन वहादुर गुरुङ प्रतिस्पर्धामा हुनुहुन्छ। भण्डारीलाई सत्तारुढ दल एमाले, एमाओवादी, राप्रपा नेपाल, फोरम लोकतान्त्रिक सहितका दलको समर्थन रहेकाले भण्डारीको जित लगभग निश्चित भएको सांसदहरूको प्रतिक्रिया छ। व्यवस्थापिका संसदमा ५९९ सांसद छन् । राष्ट्रपतिमा निर्वाचित हुन २९९ मत आवश्यक पर्छ ।

संसद सचिवालयका प्रवक्ता डा भरत गाैतमका अनुसार ५९७ जना मतदाता मध्ये अान्दाेलनरत मधेशी माेर्चा अावद्ध ३६ जना स‌‌ांसदले निर्वाचन वहिस्कार गरेका छन्। अहिले १ बजेसम्म ५४१ जनाले मतदान गरिसकेकाे सचिवालयले जनाएकाे छ ।

प्रकाशित मितिः २०७२ कात्तिक ११ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: