नाकाबन्दीले तिहार खल्लो


प्रकाशित मिति :2015-11-09 12:33:41

सुमित्रा के सी

रुकुम, कात्तिक २३ । चाडपर्वहरू नजिएको मौका छोपेर  रुकुममा व्यापारीले कालोबजारी गर्न थालेका छन् । मध्यपश्चिममा पर्ने पहाडी जिल्ला रुकुममा पनि अघोषित नाकाबन्दीको प्रत्यक्ष असर परेको छ । जसले गर्दा जिल्लामा उपभोग्य वस्तुको अभाव शुरु भएको छ भने व्यापारीले उपभोग्य वस्तुको मुल्य दोब्बर वढाएका  छन् ।

खाने तेल, चिनी, घिउ, खाना पकाउने ग्याँस, दाउरा, फुलमाला, पुजा सामान, भाई मसलालगायत हरेक वस्तुको मुल्य हवात्तै बढेकाले रुकुमका महिला दिदीबहिनी महँगीले गर्दा यसपालीको तिहार खल्लो हुने बताउँछन् ।

रुकुमको पेउघा गाविसकी पदमी बोहरालाई छिटो मिठाइका परिकार बनाएर तिहारमा माईत जाने हतार छ । त्यसैले उहाँ सेलरोटी पकाउन सदमुकाम मुसिकोटमा खाने तेलको खोजीमा ४, ५ वटा पसल चहार्नुभयो  तर, पाउनुभएन ।

‘जँहा सोध्यो तेलै छैन भन्छन्, खै नभएकै हो की व्यापारीले भाउ बढाउनलाई लुकाएका हुन् । बरु महँगै पैसा तिरेर भएपनि किन्थ्यौ नि, अब तिहारमा लिने भनैकै त्यही हो, सेल रोटी नलिएर पनि के माईत जानु’ तेल नपाएपछि उहाँको  गुनासो थियो ।

रुकुममा तिहारमा सेलरोेटी, फिनी, अनरसालगायतका मिठाइका परिकार बनाएर आफ्ना दाजुभाईका लागि कोशेली लाने चलन छ । भाई टिकाको केहि दिनअघि देखिनै घर घरमा यी परिकार बनाएर राखिन्छ । तर, गाँउघरमा यसपटक चर्चा भने महँगी र नाकाबन्दी कै छ ।
रुकुमको पेउघा गाविस कै निर्मला खड्काले १५० रुपैयाँमा आउने तोरीको तेल २१० रुपैयाँमा किन्नु परेको बताउनुभयो । उहाँको अनुभवमा खाने तेलको यत्ती धेरै मुल्य बढेको पहिलो पटक हो । तिहारको समयमा त झन महँगी कम हुनु पर्ने निर्मलाको विचार छ ।

‘आफूलाई काम नगरी खान पुग्दनै, घरमा राम्रो उत्पादन हुँदैन हामी सबै किनेरै काम चलाउने गर्छौ,यसरी सबै वस्तुको मुल्य दोब्बर भएपछि कसरी तिहार मनाउन ?’उहाँले पीडा मिश्रित आवाजमा भन्नुभयो ।

मुसिकोट नगरपालिकाकी लक्ष्मी ओलीले ५० रुपैयाँ पर्ने मालालाई १५० रुपयाँमा किनेको बताउँनुभयो ।  उहाँ भन्नुहुन्छ ‘यस पालीको तिहार साह्रै नरमाईलो हुने भो व्यापारीले  चाहिएको सामान छैन भन्छन्, भएपनि दोब्बर मुल्य तिर्नुपर्छ, यसरी मुल्य असुल्ने व्यापारीलाई कारवाही हुनु पर्छ, प्रशासनले पनि लापरवाही गरेको छ ।’

नाकाबन्दीले गर्दा इन्धनको अभाव भएपछि रुकुमका व्यापारी र स्थानिय प्रशासनबिच साविकको भन्दा केहि मुल्य बढाउने सहमति भएको थियो । तर, धेरै जसो व्यापारीले अहिले खाद्य वस्तुको अस्वाभिक मुल्य बढाएको उपभोक्ताको गुनासो छ ।

स्थानिय प्रशासनले समयमै बजार अनुगमन नगर्दा व्यापारीहरुले कालोबजारी गर्न शुरु गरेका छन् ।

प्रकाशित मिति : २०१५ कात्तिक २३ गते साेमवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: