लैङि्गक हिँसाविरुद्धको १६ दिने अभियानको तयारी हुँदै


प्रकाशित मिति :2015-11-10 14:10:31

बेलिना थापा
लमजुङ, कात्तिक २४ । लमजुङमा लैङि्गक  हिंसाविरुद्धको १६ दिने अभियान विभिन्न कार्यक्रम गरि मनाइने भएको छ । नोभेम्बर २५ अथार्त मंसिर ९ गतेदेखि १६ दिनसम्म लैङि्गक  हिंसाविरुद्धको अभियान मनाइने भएको हो ।

अन्तर्राष्ट्रियस्तर मै महिला हिंसाविरुद्धको यो अभियानलाई एकदिनमा मात्र सिमित नराखी १६ दिनसम्म मनाउने गरिएको छ । सोही अनुरूप  नेपाल सरकार र बिभिन्न संघंसंस्थाले  महिलाविरुद्धका हिंसाजन्य गतिविधि अन्त्यका लागि १६ दिनसम्म विभिन्न दबाव तथा चेतनामूलक कार्यक्रमको आयोजना गरी मनाउन लागेको हो ।

चारवर्ष अघि समुदायस्तरदेखि महिला हिंसा विरुद्ध आवाज उठाउन तथा महिला हिंसाविरुद्ध शून्य सहनशीलता कायम गर्न महिला मानवअधिकार रक्षकहरूको नेतृत्वमा महिला हिंसाविरुद्धको १०० दिने अभियान सञ्चालन गरिएको थियो ।

लैंगिक हिंसाविरुद्धको १६ दिने अभियानमा विभिन्न रचनात्मक कार्यक्रम गर्नका लागि महिला विकास अधिकृतको संयोजकत्वमा पाँच सदस्यीय संयोजन समिति गठन गरिएको छ । लैंगिक हिंसाविरुद्धको १६ दिने अभियानका संयेजक एवं प्रमुख जिल्ला अधिकारी मोहन अकेलाको अध्यक्षतामा सोमबार बसेको बैठकले समिति गठन गरेको हो । समितिमा पत्रकार महासंघ, जिल्ला जनस्वास्थ्य कार्यालय, जिल्ला प्रहरी कार्यालय र महिला विकास कार्यालयका प्रतिनिधि सदस्य रहेका छन् ।

सन् १९९९ मा संयुक्त राष्ट्र संघले २५ नोभेम्वरलाई विश्वभर महिलाहिंसाविरुद्धको अन्तर्राष्ट्रिय दिवस मनाउने निर्णय गरेपछि विश्वभर यो अभियान मनाइँदै आएको छ ।

अखिल नेपाल महिला संघले सन् १९८३ अथार्त विक्रम संम्वत २०३८ सालमा पञ्चायती शासन कालमा नमिता सुनिता हत्याकाण्डको देशब्यापी विरोध कार्यक्रम गरि महिला हिंसाको विरोधको अभियान शुरुवात गरेको थियो । त्यसको १६ बर्षपछि सन् १९९९ मा संयुक्त राष्ट्र संघले २५ नोभेम्वरलाई विश्वभर महिलाहिंसाविरुद्धको अन्तर्राष्ट्रिय दिवस मनाउने निर्णय गरेको हो ।

प्रकाशित मिति :२०७२ कात्तिक २४ गते मंगलवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: