सुई अभावमा सुत्केरी हुने महिलालाई समस्या


प्रकाशित मिति :2015-11-16 14:22:26

महिला खबर 
कञ्चनपुर, कात्तिक ३० । बच्चा जन्माउन मद्दत पुर्‍याउने ‘अक्सिटोसिन’  सुई नहुँदा कञ्चनपुरको शङ्करपुर गाविसको स्वास्थ्य चौकीमा सुत्केरी हुन जाने महिलालाई समस्या परेको छ । छ महिनादेखि स्वास्थ्य चौकीमा सुईको अभाव भएको हो ।

ढिलो गरी सुत्केरी हुने महिलालाई छिटो सुत्केरी गराउन सघाउन सो सुई प्रयोग हुने गरेको स्वास्थ्य चौकीका प्रमुख श्यामनारायण गुप्ताले बताउनुभयो । ढिलो गरी सुत्केरी हुने र सहजै सुत्केरी हुन नसक्ने महिलालाई सो सुईको प्रयोग गरी सहज रुपमा प्रशव गराउन सकिन्छ । सुई काे  अभाव भएपछि बर्थिङ सेन्टरमा सुत्केरी हुने महिलाले कठिनाइको सामना गर्नु परेको उहाँको भनाइ छ ।

जटिल प्रकृतिको सुत्केरी हुने महिलालाई यहाँका वासिन्दाले कैलालीको धनगढी र कञ्चनपुरको महेन्द्रनगर पुर्‍याउनसमेत सडक र यातायातका साधनको अभावले समस्या हुने गरेको छ । उहाँका अनुसार पटकपटक सुई र अत्यावश्यक औषधिका लागि जिल्ला जनस्वास्थ्य कार्यालयलाई भन्दै आए पनि उपलब्ध हुन सकेको छैन ।

सुईसँगै सुत्केरी हुने महिलालाई आवश्यक पर्ने औषधि, प्याड, न्यानो झोलालगायतका सामग्रीको समेत अभाव भएको उहाँले बताउनुभयो । स्वास्थ्य चौकीमा आर्थिक वर्ष ०७१/७२ मा ८८ जना महिलाले सुरक्षित सुत्केरी गराएका थिए भने ०७२/७३ को हालसम्म ३० जना महिलाले सुत्केरी गराएका छन् ।

प्रकाशित मितिः २०७२ कात्तिक ३० गते साेमवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: