पुर्ननिर्माणमा महिलाकाे समानुपातिक सहभागिताकाे माग


प्रधानमन्त्रीको सम्बोधनमा महिला नसमेटिनु दुखद

प्रकाशित मिति :2015-11-18 15:53:33

महिला खबर
ललितपुर, मंसिर २ । भूकम्पपछिको पुर्ननिर्माण प्राधिकारणमा महिलाको समानुपातिक प्रतिनिधित्व हुनुपर्ने माग महिलाले गरेका छन्। भुकम्पपछि मानविय सहायतामा लैगिंक समानता तथा सशक्तिकरणका लागि साझा अभियानद्वारा जारी विज्ञप्तिमा भूकम्पबाट सवैभन्दा प्रताडित महिला तथा बालबालिका भएपनि प्रधानमन्त्रीले राष्ट्रका नाममा गरेको सम्बोधनमा पुर्ननिर्माणका क्रममा महिला सहभागितालाई स्थान दिने कुरा नसमेट्नु दुखद भएको उल्लेख छ।

साझा अभियानका तर्फबाट संयोजक चाँदनी जोशीले जारी गर्नुभएको विज्ञप्तिमा पुर्ननिर्माणका क्रममा महिलालाई नेतृत्वदायी भूमिकामा सहभागी गराउन आग्रह गरिएको छ। यस्ता निकायमा महिलालाई सहभागी गराउँदा राजनीतिक आस्थाका आधारमा भागबण्डा नगरी समस्याको गहिराइ बुझेका विज्ञ महिलालाई प्रथमिकता दिन पनि विज्ञप्तिमा आग्रह गरिएको छ।

साथै  राष्ट्रिय महिला आयोग तथा अन्य संवैधानिक निकायका नियुक्तिमा पनि दलगत भागवण्डा नगरी विषयगत दक्षता हासिल गरेका र महिला अधिकारको क्षेत्रमा क्रियाशील रहेका महिलालाई समावेश गर्दा आयोगको कार्य सम्पादन प्रभावकारी हुने विज्ञप्तिमा भनिएको छ। राज्य संयन्त्रका अन्य निकायमा पनि महिलाको अर्थपुर्ण सहभागिताको माग  महिलाले गरेका छन्।

यो अभियानमा संचारिका समूह, साथी, फेडो, एकल महिला समूह, महिला विकास र कानुन मञ्च, बियोण्ड बेइजिङ, म्याग, जागरण नेपाललगायतका संस्था आवद्ध छन्।

प्रकाशित मितिः २०७२ म‌ंसिर २ गते बुधवार

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: