महिला बन्दिका लागि ट्रस


प्रकाशित मिति :2015-11-24 16:38:03

महिला खबर

चितवन, मंसिर ८ । चितवन जिल्ला कारागार भरतपुरमा रहेका महिला कैदी बन्दिहरूको बिभिन्न कार्यक्रम सञ्चालनका लागि निर्माणधिन ट्रस भवनको उद्घाटन गरिएको छ ।

नवनिर्मित भवनको उद्घाटन प्रमुख जिल्ला अधिकारी बिनोद प्रकाश सिंहले गर्नु भएको थियो । उद्घाटन कार्यक्रममा बोल्दै प्रमुख जिल्ला अधिकारी सिंहले भवनले कारागारमा महिला कैदी बन्दिहरूका लागि विभिन्न कार्य गर्न सजिलो हुने बताउनुभयो ।

उहाँले सो भवनले महिला कैदी बन्दिलाई सिलाईकटाई लगायतका आयआर्जन हुने कार्यहरू गर्न सहज भएको भन्दै उत्पादित बस्तुहरूको बजार व्यावस्थापनमा समेत सहजिकरणमा सहयोग गर्ने प्रतिवद्धता समेत व्यक्त गर्नुभयो । कारागार भित्र महिला कैदी बन्दिहरू ठाउँको अभावमा बिभिन्न समस्या झेल्न परेकाले आफूहरूले ट्रस भवन निर्माणका लागि पहल गरेको डक्टर वाइफ एशोसियशनका अध्यक्ष ममता शर्मा न्यौपानेले बताउनुभयो ।

12234893_1197145650301619_1696388541981193896_n

क्षमता भन्दा बढी महिला बन्दि गृहमा बस्न परेको र भूकम्पपछि भवन क्षति भएकाले ट्रस भवनले बन्दि जीवन बिताउन बाध्य महिलालाई धेरै सहयोग पुग्ने बन्दी ऋतु पूरीले बताउनुभयो । कारागारमा २० जना बन्दी महिला राख्ने ठायँमा अहिले १ जना नाबालक सहित ५२ जना राखिएको जेलर कमल प्रसाद काफलेले जानकारी दिनु भयो ।

अहिले यो कारागारमा ५ सय ६७ जना कैदी बन्दिहरू राखीएको छ । कारागारको क्षमता जम्मा १२० जना कैदी बन्दि राख्न सक्ने रहेको छ ।एशोसियशनका अध्यक्ष न्यौपानको अध्यक्षतामा सम्पन्न उद्घाटन कार्यक्रममा स्थानिय विकास अधिकारी श्रवण कुमार पोखे्रल, एस एस पी रमेश खरेल, कारागारका निमित्त प्रमुख मोती लाल क्षेत्री र  मैयादेवी ट्रसका माहासचिव टंकनाथ पौडेल लगायतको सहभागिता रहेको थियो ।

ट्रस भवन चितवनमा रहेका सत्य साई बाबा परिवार, डक्टर्स वाईफ एशोसियशन, मानव सेवा आश्रम, शसस्त्र प्रहरी दल आँपटाडी, जिल्ला विकास समिति चितवन, लगायतका दाताहरूको सहयोगमा निर्माण गरिएको हो ।

प्रकाशित मिति २०७२ मंसिर ८ गते मंगलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: