झापाका ४ हजार महिलाले भीआईए सेवा लिए


प्रकाशित मिति :2015-11-26 16:24:19

लक्ष्मी दर्नाल

झापा, मङ्सिर १० । नेपाल परिवार नियोजन संघ झापाले सञ्चालन गरेको भीआईए सेवाबाट यहाँका ४ हजार महिला लाभान्वित भएका छन् । संघले महिलाको स्वास्थ्यलाई मध्यनजर गर्दै सुरू गरेको सो सेवाबाट डेढ वर्षको अवधिमा चार हजार महिला लामान्वित भएको नेपाल परिवार नियोजन संघ झापाका अध्यक्ष दीपेन्द्र ढकालले बताउनुभयो ।

‘पाठेघरको मुखमा क्यान्सर लाग्न सक्ने कोष छ कि छैन भनेर पत्ता लगाउने विधि नै भीआईए प्रविधि हो’ ढकालले भन्नुभयो । यो विधि अपनाएर महिलाको पाठेघरमा क्यान्सर लाग्न सक्ने सम्मावना पत्ता लगाउने सजिलो उपाय भएपछि झापाका सहरदेखि ग्रामीण क्षेत्रसम्मका महिला अहिले भीआईए परीक्षणका लागि नेपाल परिवार नियोजन संघको कार्यालय आउने गरेको अध्यक्ष ढकालले जानकारी दिनुभयो ।
अझैंपनि चेतना अभावका कारण अधिकांश महिला पाठेघरको क्यान्सरबाट पीडित हुने गरेको जनाउँदै संघले विभिन्न समयमा भद्रपुर, मेचीनगर , कनकाई नगरपालिका सहित वाहुनडाँगी र धाइजन लगायतका स्थानमा भीआईए परीक्षणका लागि निःशुल्क स्वास्थ्य शिविर सञ्चालन गरिसकेको नेपाल परिवार नियोजन संघ झापाका प्रमुख चन्द्रमणि पौडेलले बताउनुभयो । जसबाट ग्रामीण क्षेत्रमा रहेका धेरै महिलाले लाभ लिएका छन् ।

कार्यालय प्रमुख पौडेलले भन्नुभयो ‘तालिम प्राप्त स्वास्थ्य प्राविधिकहरुले पाठेघरको मुखमा विशेष रसायन राखेर हेरेपछि कलरको सहायताले १० वर्षपछिसम्म लाग्न सक्ने क्यान्सरका वारेमा दुई मिनेटमा यो विधि अपनाएर आफूमा क्यान्सरको सम्भावना छ कि छैन भनेर थाहा पाउन सकिन्छ ।’

यसरी सहजरुपमा आफूमा क्यान्सर लागेको छ वा छैन भनेर परीक्षणका लागि आउने महिलाबाट नाम दर्ता गराएवापत ५० रुपैयाँ मात्र सेवा शुल्क संघले लिने गरेको कार्यालय प्रमुख पौडेलले भन्नुभयो ।

सुरु सुरुमा क्यान्सर भेटिएला कि भन्ने डरले महिला कमै मात्रामा स्वास्थ्य परीक्षणका लागि आउने गरेका महिलाको संख्यामा अहिले वृद्धि भएको नेपाल परिवार नियोजन संघले जनाएको छ ।

संघका अनुसार रिपोर्टका आधारमा उनीहरूलाई उचित परामर्श दिने गरेका कारण महिला गत वर्षको तुलनामा यो वर्ष वढी कार्यालयमा आएर स्वास्थ्य परीक्षण गराएका हुन ।

तालिमप्राप्त स्वास्थ्य कर्मीले रसायनको माध्ययमबाट महिलाको पाठेघरको मुखको जाँच गरिसकेपछि फरक खाले रङ देखा परे पोजेटिभ र रंगमा परिवर्तन नआए रिपोर्ट नेगेटिभ छ भनेर वुझ्नुपर्छ संघका कार्यालय प्रमुख पौडेलले भन्नुभयो ।

प्रकाशित मिति २०७२ मंसिर १० गते बिहीवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: