सरकारलाई दाउरा महंगो गर्न भनि देऊ


महिलाको सुझाव : गरिब मारेर अधिकार आउँदैन

प्रकाशित मिति :2015-11-30 15:14:41

महिला खबर

काठमाडौं, मंसिर १४ । लामो समयदेखिको तराई आन्दोलन र भारतले गरेको अघोषित नाकाबन्दीको कारण दिन प्रतिदिन जनजिवन अस्तव्यस्त हुँदै गएको छ । पेट्रोलयिम पदार्थ मात्र होइन अत्यावश्यक वस्तु औषधीसमेतको अभाव भएको छ ।

खासगरी शहरी क्षेत्रमा खाना पकाउने ग्याँस नपाउँदा विहान बेलुका खाना पकाउने र समयमा बाबुआमा र छोराछोरीलाई खुवाउन सबैभन्दा ठूलो समस्या भएको महिला बताउँछन् ।

वर्तमान समस्या समाधानका लागि राज्यले र आन्दोलनरत तराई मधेसवादी दलहरूले के गर्नु पर्ला भनेर हामीले काठमाडौंको विभिन्न स्थानमा भेटिएका महिलालाई सोधेका थियौं । समस्या समाधानको लागि सरकार र मधेसबादी दललाई महिलाको सुझाव यस्तो छ :

मिना बिष्ट

????????????????????????????????????

एउटा द्वन्द्व पार गरेर लामो समयमपछि मुलुकले नयाँ संविधान पाएको छ । जारी भएको संविधानलाई हाम्रो र राम्रो भन्नुपर्ने बेलामा केही पक्षका मानिसहरू आफ्ना माग पुरा भएनन् भन्दै आन्दोलनमा छन् ।

आन्दोलनरत पक्षहरूलाई सरकारले चाडोे वार्तामा बोलाएर संवादको माध्यबाट समस्याको समाधान निकाल्नुपर्छ ।

आन्दोलनकारीका माग सहि र सत्य हुन् भने जनतालाई दुःख नदिई प्रस्ष्टताकासाथ अगाडि ल्याउनु प-यो । जे जस्तो भए पनि समस्याको समाधान वार्ताको माध्यबाट नै हल गर्नुपर्छ, न कि हिंसात्मक आन्दोलनबाट ।

जमुना ढुंगाना

????????????????????????????????????

मेरो घर कीर्तिपुर मच्छे गाउँ हो । म अहिले ६३ वर्षकी भए । आन्दोलन भएको कति भयो ? हामी भोकै मर्ने ? मधेसमा भएको कुरालाई सरकारले साम्य गर्नु प-यो । आन्दोलनकारीहरूको आन्दोलन लामो भयो छोड्नु प-यो । गरिब मारेर अधिकार आउँदैन भनि दिनु ।

 ग्याँस आउँछ लुटालुट हुन्छ, बलियाहरूले लैजान्छन् । घर भूईंचालोले भत्केको ६ महिलन बित्यो खै सरकारले हेरेको ? ग्याँस र दाउरा छैनन् ।

कतिदिन फुको चिउरा खाएर बस्ने ? अब त त्यो पनि पाईंदैन रे भन्छन् । सरकारलाई दाउरा अझै महंगो गरिदिन भन्नु होला नानी । हामीलाई ग्याँस चाँडो पठाई दिन भन्नु । तपाई त केटी मान्छे थोरै दु:ख पाउनु भएको होला ? मैले त भनि साध्य छैन । दाउरा पनि सजिलै पाईंदैन । सरकारलाई दाउरा अझै महंगो गर्न भन्दिनु ।

बेनुमाया गुरुङ

????????????????????????????????????

मधेसका माग जायज छन् भने सम्बोधन गर्नुपर्छ । मधेसवादी दलहरूले आफ्नो माग पुरा गर्न गलत बाटो अपनाउनु हुँदैन , उहाँहरू पनि अलि लचिलो हुनुपर्छ ।

राज्य र मधेसवादी दल दुबैले मेरै गोरुका बाह्रै टक्का भन्यो भने अहिलेको अवस्थाले निकास पाउँदैन । दुबै एक कदम अगाडी बढेर समस्याको समाधन खोज्नुपर्छ । यदि त्यसो भएन भने मारमा सर्वसाधारण जनता नै पर्दछन् ।

मधेसका जनताको लागि गरिएको आन्दोलनले देशभरका जनताको अवस्था अहिले कस्तो छ भन्ने कुरा उहाँहरूले बुझनैपर्छ । नाकाबन्दीको मार हामीले हरेक पाइलामा भोगेका छौँ । राष्ट्रियताको कुरामा हामी समस्यालाई सहन त गरेका छौँ तर, कत्तिसम्म गर्ने ?

गंगा थापा

????????????????????????????????????

वर्तमान समस्याको हल वार्ताबाट खोजिनुपर्छ । आन्दोलन पनि शान्तिपूर्ण पनि हुनुप-यो । अहिलेको समस्या राजनीतिक र कुटनीतिक विषय भएको कारण यसको हल जनताबाट भन्दा पनि राजनीति र कुटनीति तरिकाले वार्तामा बसेरै खोज्नुपर्छ । नाकाबन्दीको कारण दाउरादेखि बिजुलीबाट चल्ने सबै चुलो जम्मा पारेको छु । खाना खान नै नपाएपछि अरु के कुरा गर्ने ?

निलिफा शर्मा

????????????????????????????????????

नाकाबन्दीको बारेमा राज्यको तर्फबाट भारत सरकारसँग कुटनीतिक पहल गर्नु प-यो । मधेसवादी दलहरू आन्दोलनमा मात्र होइन आफ्ना जायज मागलाई लिएर वार्तामा बस्नु प-यो ।  संसदमा कुरा उठाउनु प-यो । नाकाबन्दीले चुलो नै निभ्यो ।    यो भन्दा ठूलो असर के हुन सक्छ ?

सिता ढकाल

Sitaसबैभन्दा राम्रो कुरा सम्झौता हो । मधेसवादी दलले यसरी आन्दोलन गरेर देशलाई अराजकतामा लैजानु हुँदैन । सबै राजनीतिक दलहरू मिलेर उहाँहरूलाई वार्तामा ल्याउनुपर्छ । एकातिर भारतको नाकाबन्दी अर्कोतिर तराईको आन्दोलनले सबैभन्दा बढी समस्या शहरमा भाडामा बस्नेहरूलाई पारेको छ ।

घरमुलीहरूले घरभित्र दाउरा बाल्न दिँदैनन् । ग्याँस छैन, उनीहरूले के गरी खाने ? हेर्दा समस्याको मारमा ठूला होइन, सामान्य जनता छन् भन्ने आन्दोलनकारीले बुझ्नु प¥यो । सबै कुरामा बल मिच्याईं गरेर समस्याको समाधान हुँदैन ।

प्रकाशित मिति २०७२ मंसिर १४ गते सोमवार

    Comment Here!

Related NEWS
मुख्य खबर

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

Read more
© 2015.All rights reserved by mahilakhabar.com
%d bloggers like this: