भूकम्प पीडित महिला भत्किएकै घरमा


प्रकाशित मिति :2015-11-30 15:42:42

महिला खबर

Capture1

चितवन, १४ मंसिर । चितवनका भूकम्प पीडित महिला सकसपूर्ण दिन बिताउँदै छन् ।  कतिपय राहत नपाएर आहत भएका छन् भने कतिपय राहत पाए पनि बस्ने स्थानका अभावमा पीडित भएका छन् ।

समयमै निवेदन दिँदा समेत आफूहरूको समस्यामा कसैले चासो नदिएको राहत नपाएका भूकम्पपीडितले बताएका छन् । जसका कारण उनीहरू भत्किएका र चर्किएका घरमा बस्न बाध्य छन् ।

भण्डारा भवानीपुरकी ६० वर्षीय  ठुलिमायाँ लामा भूकम्पले भत्काएको घरमा बसिरहनु भएको छ । घरका भित्ता भत्किएका छन् । उहाँको घरका थाम ढल्किएको छ, ढोका गाह्रोले च्यापिएको छ । घरको भित्तले दलिन छाडेका छन् ।

तर पनि राहत पाउनुभएको छैन् । आफ्नो घर देखाउँदै ठुलीमायाँले भन्नुभयो, ‘अहिलेसम्म राहत पाएको छैन, म नसक्ने बुढी मान्छेलाई पनि कसैले हेरेनन् ।’ विकल्प नभएपछि उहाँ अहिले पनि डराई डराई त्यही घरमा बसिरहनु भएको छ ।

सबै भत्किएको घर आंशिक क्षतीमा राख्न नसकिएको उनकी छोरी सुन्तली लामाले बताउनुभयो ।  ह्वाङह्वाङती खुला रहेको घरभित्र उहाँ बस्ने गर्नुहुन्छ । छोरीको विहे गरेपछि उहाँ एक्लै हुनुहुन्छ । श्रीमान वित्नुभयो । सहारा दिने कोही छैन् ।
xxx

अहिलेसम्म पहुँचका आधारमा केही नभएकाले समेत राहत पाएको भन्दै उनीहरूले बास्तविक भूकम्प पीडितलाई राहत उपलव्ध गराउन स्थानिय प्रशासनसँग माग गरेका छन् ।

भूकम्प पीडित रविन्द्र सेढाईले गाउँका भूकम्प पीडितहरू सय भन्दा बढी भएको भन्दै सहयोगको अपिल गर्नुभयो । उहाँले आफ्नो घर पूर्ण रुपमा क्षतिमा भएकाले बस्न नमिल्ने भएको दखेसो पनि पोख्नु भयो ।

दारेचोक धुसाबाट पिपल्डाँडा सरेर आएका भूकम्प पीडितहरू पनि सकरमा छन् । सानो छाप्रोमा बसेका महिला घर व्यवस्थापनको समस्यामा छन् । चिसो छिंडिमा जस्ताले बेरेको सानो कटेरोमा उनीहरू जिवन गुजार्दै आएका छन् । एकजना फूलमती चेपाङ महिलालाई थप समस्या परेको बताउनुभयो ।

गाउँका धेरैजसो भूकम्प पीडित भत्किएकै घरमा बसिरहेको उहाँले बताउनुभयो । खाना पकाउने देखि विभिन्न काममा महिला घरमा सक्रिय हुँदै उनीहरूमा भूकम्प पछिको पीडा पनि थपिएको छ ।

उनीहरू सहित अहिले जिल्लामा ४ हजार बढी भूकम्प पीडितले राहत पाउँ भनी निवेदन दिएका छन् । उनीहरूको निवेदन अलपत्र छ ।

निवेदनको विषयमा अनुगमन गरेर छानविन गर्ने निर्णय भएपनि इन्धन समस्याका कारणले काम अघि बढ्न नसकेको प्रमुख जिल्ला अधिकारी विनोद प्रकास सिंह बताउनुहुन्छ ।

जिल्लामा विपद समितिले अहिलेसम्म १२ हजार ४७ जना भूकम्प पीडित भनेर प्रमाणित गरेको छ । भूकम्प पीडित भएको भन्दै यहाँ १६ हजार बढीको निवेदन परेको भएपनि १२ हजारको मात्रै प्रभाणित भएको छ । पीडित मध्ये करिव ३ हजार ३ सय जनाको घर पूर्णरुपमा क्षतिको भएको तथ्यंक छ ।

प्रकाशित मिति :२०७२ मंसिर १४ गते सोमवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: