निर्वाचनलाई महिलामैत्री बनाउन राजनीतिक प्रतिबद्धताको खाँचो


प्रकाशित मिति :2015-11-30 17:01:46

महिला खबर
काठमाडौं म‌ंसिर १४ । निर्वाचन आयोगका आयुक्त ईला शर्माले निर्वाचनसम्बन्धी लैङि्गक तथा समावेशी नीति कार्यान्वयनका लागि राजनीतिक प्रतिबद्धताको खाँचो रहेको बताउनु भएको छ। निर्वाचन आयोगले आज आयोजना गरेको निर्वाचन तथा राजनीतिमा महिला सहभागिता एवम् निर्वाचन प्रक्रियामा हुने लैङि्गक हिंसा विषयक अन्तरक्रियामा उहाँले निर्वाचन प्रक्रिया महिलामैत्री बनाउन ल्याएको नीति कार्यान्वयनमा राजनीतिक दलको सहयोग आवश्यक रहेको बताउनुभयो ।

आयोगले लैङिगक तथा समावेशी नीतिसँगै पाँचवर्षे लैङिगक तथा समावेशी रणनीति–२०७२, लैङ्गिक तथा समावेशी कार्ययोजना ल्याएको जानकारी उहाँले दिनुभयो । यसैगरी आयोगले लैङि्गक तथा समावेशीकरण समन्वय समिति, लैङि्गक तथा समावेशी इकाई, आयोग र जिल्ला निर्वाचन कार्यालयमा लैङि्गक सम्पर्क बिन्दुको स्थापना गरेको छ ।

आयोगका सचिव शारदाप्रसाद त्रितालले निर्वाचनमा समानुपातिक सहभागिताका कुरा आएपनि महिलाको हकमा त्यो लागू हुन नसकेको स्वीकार्नुभयो ।

कार्यक्रममा आयोगका सह–सचिव बीरबहादुर राईले २०७० सालको निर्वाचनमा आठ प्रतिशत महिलालाई मतदान गर्न अवरोध पुगेको तथ्याङ्क प्रस्तुत गर्नुभयो । उहाँले दुई प्रतिशत मतदान केन्द्रमा महिलामाथि हिंसा भएको, २६ प्रतिशत मतदान केन्द्रबाट महिलाले मतदान नगरी फर्केको तथ्याङ्क प्रस्तुत गर्दै मतदान केन्द्रलाई महिलामैत्री बनाउने कार्यक्रम ल्याउनुपर्ने आवश्यकता औँल्याउनुभयो ।

प्रकाशित मितिः २०७२ मंसिर १४ गते साेमवार

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: