नाकाबन्दीविरुद्ध पोखरामा र्‍याली


प्रकाशित मिति :2015-12-02 12:19:38

महिला खबर

पोखरा, १६ मंसिर । भारत गरेको नाकाबन्दी विरुद्ध पोखरामा सामाजिक जागरणका लागि नारी अभियानले वृहत  सद्भाव र्‍याली निकालेको छ । पोखरा नगर महिलाले समन्वय गरेको सद्भाव र्‍यालीमा आध्यात्मिक संघ, पेशागत संघ संस्था, विद्यार्थी, मानव अधिकारकर्मी, राजनीतिककर्मी, नागरिक समाज, आमा समूह, टोल विकास संस्था लगायतको सहभागिता रहेको थियो ।

र्‍यालीका सहभागिहरूले नाकाबन्दी खुला गर, कालोबजारी नियन्त्रण गर, भो अब अति भो अतिबादको अन्त्य गरौं, मानव अधिकारको सम्मान गर, वार्ताबाट समाधान खोज, हिमाल, पहाड, तराई कोही छैन पराइ, नाकाबन्दी अमानविय कार्य हो भन्ने नारा लेखिएका प्लेकार्ड बोकेर प्रदर्शन गरेका थिए ।

rally

पोखराको मानव अधिकार चोकबाट सुरु भएको र्‍याली सभागृहमा पुगेर कोणसभामा परिणत भएको थियो । कोणसभालाई सम्बोधन गर्दै अभियानका संयोजक सुस्मा पौडेलले नाकाबन्दीका कारण तराइ मधेस र पहाड बीचको दुरी बढ्दै जान सक्ने भन्दै सामाजिक सद्भाव र सहिष्णुताका लागि र्‍यालीको आयोजना गरेको बताउनुभयो ।

उहाँले छिमेकी मुलुक भएको नाताले भारतले निर्दयी व्यवहार गर्न नसुहाउँने भन्दै असल छिमेकीको भूमिका निर्वाह गरी सहज जीवन यापनका लागि सहयोगी बनिदिन अनुरोध गर्नुभयो ।

कोणसभामा बोल्दै पोखरा नगर समन्वय समितिका संयोजक पवित्रा गुरुङले नाकाबन्दीको असर बालबालिका, महिला र बूढाबूढीमा सबैभन्दा बढी परेको भन्दै राज्यले विकल्पको खोजी गरी अभिभावकको जिम्मेवारी पुरा गर्न आग्रह गर्नुभयो ।

प्रकाशित मिति २०७२ मंसिर १६ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: