हिंसा बढ्याे, कानुन कडा बनाउ


प्रकाशित मिति :2015-12-02 16:58:37

महिला खबर
काठमाडौं, मङ्सिर १६। महिला अधिकार स्थापित गर्न काननु बनेपनि यसको कार्यान्वयन निकै फितलो भएको एक छलफल कार्यक्रममा सहभागी सरोकारवालाहरूले बताएका छन्। महिला बालबालिका तथा समाजकल्याण मन्त्रालयले आयोजना गरेको महिला तथा किशोरी हुने सबै प्रकारका हिंसाको अन्त्य तथा निवारण बिषयक अर्न्तक्रियामा बोल्दै उनीहरूले महिला हिंसासम्बन्धी भएका ऐनकानुन कागजमा मात्र सीमित भएको बताए ।

कार्यक्रममा सहभागी दलका नेता तथा महिला अधिकारकर्मीले महिलामाथि हुने हिंसा बढ्दै गएको भन्दै भएका ऐनकानुनको प्रभावकारी कार्यान्वयनसँगै कडा कानुन बनाएर कार्यान्वयन गर्नु सुझाव दिए।

कार्यक्रममा बोल्दै व्यवस्थापिका–संसद, महिला, बालबालिका, ज्येष्ठ नागरिक तथा समाजकल्याण समितिकी सभापति रञ्जुकुमारी झाले महिलाको सवालमा नयाँ संविधानमा प्राप्त उपलब्धिलाई जोगाउँदै कानुन बनाएर कार्यान्वयन गरी थप अधिकारको निम्ति सङ्घर्ष गर्नुपर्ने बताउनुभयो ।

नेकपा एमालेका नेता बिन्दा पाण्डेले राज्यका मुख्य संरचना र विभिन्न राजनीतिक दलको नेतृत्व तहमा महिलाको सहभागिता स्थानीय तहबाटै बढाउनुपर्ने धारणा राख्नुभयो । उहाँले कानुन बनेपनि बिभेदहरु जहाँको तहीँ रहेको भन्दै यो खाडलको अन्त्य नभएसम्म हिंसा अन्त्य नहुने बताउनुभयो।

महिला, बालबालिका तथा समाजकल्याण मन्त्रालयका सचिव मधु रेग्मी र सहसचिव राधिका अर्यालले भूकम्पपछि मन्त्रालयले सञ्चालन गर्ने हरेक कार्यक्रम भूकम्पबाट सबैभन्दा बढी प्रभावित महिला र बालबालिकामा केन्द्रित भएको बताउनुभयो ।

मन्त्रिपरिषद तथा प्रधानमन्त्री कार्यालयका सहसचिव रमेश ढकालले महिला हिंसासम्बन्धी भएका ऐनकानुनको प्रभावकारी कार्यान्वयन नभएपनि यसलाई राज्यले सम्बोधन गर्न सुरु गरेको बताउनुभयो।

राष्ट्रिय महिला आयोगकी प्रवक्ता मनु हुमागाईँले महिला हिंसासम्बन्धी आयोगमा आउने उजुरीलाई हेर्दा सबैभन्दा बढी आफन्तजनबाट हिंसा हुने गरेको हुँदा त्यसको अन्त्यका लागि कानुनको कार्यान्वयनसँगै जनचेतनाको समेत आवश्यकता औँल्याउनुभयो ।

प्रकाशित मितिः २०७२ म‌ंसिर १६ गते बुधवार

    Comment Here!

Related NEWS
मुख्य खबर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

Read more
© 2015.All rights reserved by mahilakhabar.com
%d bloggers like this: