लैंगिक हिंसाविरुद्ध गाउँगाउँमा भित्तेपत्रिका


प्रकाशित मिति :2015-12-04 11:55:02

महिला खबर

रुपन्देही, मंसिर १८ । छोरी भएकै कारण हुने हिंसा कम गर्न जुटेका रुपन्देही र नवलपरासीका किशोरकिशोरीहरूले हिंसाविरुद्ध सञ्चार अभियान थालेका छन् ।

लैंगिक हिंसा रोक्न र बालबालिकाको अधिकार जोगाउन सक्रिय भएका किशोरकिशोरी सञ्जालले भित्तेपत्रिका मार्फत् सञ्चार अभियान थालेका हुन् । नवलपरासी र रुपन्देहीका २ दर्जन गाविसका बालबालिकाले अहिले लैंगिक हिंसाको विरोध र बालअधिकारका बारेमा भित्तेपत्रिका निकाल्ने गरेका छन् ।

व्यक्ति व्यक्तिलाई भेटेर सम्झाउनु साटो सार्वजनिक स्थलहरूमा बालिकाको अवस्था र अब गर्नुपर्ने कामबारे लेखेर भित्तेपत्रिका टाँसिदिँदा बढी प्रभावकारी भएको उनीहरू बताउँछन् । भित्रेपत्रिका निकाल्ने कामको अगुवाइ गरेकी नवलपरासी पक्लीहवाकी किशोरी सञ्जालकी सदस्य विना कुमारी गाह आफ्नो काम बताउन र चेतना फैलाउन भित्ते पत्रिका निकै सजिलो भएको बताउँंछिन् ।

DSC_1427

उनका अनुसार गाउँमा हुने बाल हिंसा रोक्न र बालबालिकाको अधिकार जोगाउन समूह सक्रिय छ । समूहमा आवद्ध सदस्यहरूले गाउँमा बालबालिकालाई जम्मा पारेर समस्याबारे छलफल गर्छन् । यसपछि घरदैलो गरेर अभिभावकलाई सम्झाउँछन् । यतिमात्रै होइन स्कूलहरूमा गुरुहरूलाई भेटेर पनि बालअधिकार जोगाउन आग्रह गर्छन् ।

कोठे छलफलको विधिबाट मात्रै बालअधिकार जोगाउन र बाल हिंसा घटाउन नसकिने देखेपछि उनीहरूको समूह अहिले बाल भित्तेपत्रिका निकाल्न जुटेकोे हो । ‘भित्तेपत्रिका निकाल्न थालेपछि अभिभावक र सरोकारवालालाई सम्झाउन गाउँगाउँमा जाने समस्या कम भएको छ।’ उनले भनिन् । लैंगिक हिंसाविरुद्ध बालबालिकाको भित्तेपत्रिका निकाल्ने अभियानमा स्ट्रोम नेपाल र एबीसी नेपाल नामक गैर सरकारी सस्थाले सहयोग गरेका छन् ।

यी संस्था कै सहयोगमा चलेका छलफल कक्षामा छलफल हुने बालहिंसा, महिलाहिंसा, कुरीति, कुप्रथा, लैंगिक हिंसा, छुइप्रथा, छुवाछुत लगायतका समस्यालाई समाधान गर्न पनि भित्तेपत्रिका मार्फत् अभियान थालेका हुन् ।

????????????????????????????????????

एबीसी नेपालका कार्यक्रम संयोजक प्रदीप तिवारीले बालअधिकार संरक्षण र छोरी भएकै कारण भोग्न परेका हिंसा घटाउन भित्तेपत्रिका अभियान प्रभावकारी भएको बताए । उनले भने ‘बालबालिकालाई मात्र होइन सरोकारवालाहरूलाई प्रतिवद्ध पार्न र सजिलो तरिकाले जनचेतना फैलाउन पनि निकै सहज हुँदो रहेछ ।’

भित्तेपत्रिका लेखन बालअधिकार जोगाउन लागेका बालबालिकालाई अभियान सफल बनाउन निकै उपयोगी छ । यो मात्रै होइन किशोर उमेरका बालबालिकालाई सिर्जनात्मक बनाउन र उनीहरूको क्षमता बढाउन पनि बाल भित्तेपत्रिका लेखन सहयोगी बनेको छ ।

भित्तेपत्रिकाले गाउँ तथा विद्यालयमा हुने गतिविधिलाई समाचार बनाएर प्रचार गर्न, राम्रा कुराको प्रसंशा गर्न र नराम्रो कुरा सुधार गर्न सहयोग पुग्छ । यसले लेखन कला र आफुमा भएको अभिव्यक्ति क्षमता तथा प्रतिभा बाहिर निकाल्न निकै सहज भएको उनीहरूको अनुभव छ ।

बालबालिकाले बालबालिकाका लागि बनाएको भित्तेपत्रिकालाई विद्यालय, गाविस कार्यालय, हेल्थपोष्ठ, सामूदायिक सूचना बोर्ड लगायतमा टाँसिदिने उनीहरूको योजना छ ।

नवलपरासीको मनौरीको किशोरी सञ्जाल सदस्य सुमित्राकुमारी गुप्ताले यसो गर्दा आफ्ना कुरा सरोकारवालालाई सुनाउन र अभियानमा सहयोग जुटाउन पनि सहज हुने बताइन् ।

प्रकाशित मिति २०७२ मंसिर १८ गते शुक्रवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: