स्वास्थ्य विमाप्रति महिलाको आकर्षण


प्रकाशित मिति :2015-12-07 09:24:08

महिला खबर
नेपालगन्ज, मंसिर २१। छोरा सुरजको पेट दुखेपछि बाँके टिटिहिरिया गाविसकी फिरी थारुले उपचारको लागि सिधै नेपालगन्जस्थित भेरी अञ्चल अस्पतालमा पुग्नुभयो। सुरजको विशेषज्ञ चिकित्सकले जाँच गरेर निको भयो।

छोराको उपचारमा खर्च भएको बील र औषधि खरिदको बिल समूहमा पेश गरेपछि उनले ३ हजार रुपैयाँ प्राप्त गरिन्। ‘अहिले त सजिलो लाग्छ, घरमा कोही विरामी भयो भने गाउँमा धामी गुरुवा र मेडिकल धाउँदैनौ सिधै नेपालगन्ज अस्पताल गएर डाक्टरलाई देखाउँछौँ।’–फिरीले भन्नुभयो–’औषधिको खर्च फिर्ता पाउने भएपछि अहिले सामान्य केही भएपनि अस्पताल नै जाने गरेका छौँ।’

निर्धन संस्थाले समुदायमा आधारित लघुस्वास्थ्य सुरक्षा कार्यक्रम …संजीवनी’ लागु गरेपछि टिटिहिरिया गाविसकै निवासी रीता थारुले पनि आफ्नो स्वास्थ्य जाँच गराउनुभयो। उपचार शुल्क र औषधिको बिल पेश गरेको आधारमा उनले २ हजार ८ सय रुपैयाँ फिर्ता पाउनु भएको छ।

‘सुरुमा असाध्यै गाह्रो भयो, यहाँका अधिकांश महिला दिदीबहिनी गम्भीर विरामी हुँदा पनि गुरुवा र धामीको घरमा पुग्नुहुन्थ्यो, मेडिकलबाट जाँचै नगरी औषधि खाने गर्नुहुन्थ्यो, अस्पताल जाने बानी नै थिएन। स्वास्थ्य विमाको कुरा गर्दा कुरै नसुनी घरभित्र पस्नुहुन्थ्यो।’–टिटिहिरियाकी सञ्जिवनी कार्यकर्ता भीममाया बि.क.ले भन्नुभयो–’एक दुई जनाले नेपालगन्ज अस्पतालमा उपचार गराएपछि सुविधा लिएको जानकारी पाएपछि बल्ल हामीप्रति विश्वास गर्नुभयो।’

सुरुमा ४ वर्षअघि ५ जनाबाट लघुस्वास्थ्य सुरक्षा कार्यक्रम सुरु गरेकोमा अहिले टिटिहिरियामा मात्रै ४ सय १ जना सदस्य पुगेको छ। यी मध्ये यो वर्षमात्रै ७० जनाले उपचार गरेवापत बिल बुझाएर सुविधा प्राप्त गरेको निर्धन संस्थाले जनाएको छ। समुदायद्वारा समुदायमा समुदायको लागि सञ्चालित यो कार्यक्रमको नेतृत्व महिलाले नै गरेका छन्।

कार्यक्रममा सहभागी र कर्मचारी पनि अधिकांश महिलानै रहेको कार्यक्रमका जिल्ला व्यवस्थापक जिताराम गौतमले बताउनुभयो। वार्षिक रुपमा सानो शुल्क तिरेर ठूलो उपचार वापतको रकम पाइने भएपछि वर्षेनी सर्वसाधारणको आकर्षण समेत बढ्दै गएको छ। बाँकेको नेपालगन्ज उपमहानगरपालिका र कोहलपुर नगरपालिकाका साथै १८ ओटा गाविसमा कार्यक्रम सञ्चालन गरिएको छ।

हरेक वर्षको वैशाख र जेष्ठमा संजीवनीमा सदस्य आवद्ध गराउने र असार १ गतेदेखि कार्यक्रम लागु गर्ने गरेको समुदायमा आधारित लघुस्वास्थ्य सुरक्षा कार्यक्रमका कार्यक्रम व्यवस्थापक गौतमले जानकारी दिनुभयो।

प्रकाशित मितिः २०७२ मंसिर २१ गते साेमवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: