द्वन्द्वपीडित महिलालाई राज्यले संरक्षण गर्नुपर्छ


प्रकाशित मिति :2015-12-08 15:18:38

महिला खबर

रुपन्देही, मंसिर २२ । रुपन्देहीका द्वन्द्वपीडित महिलाले लोकतन्त्र स्थापना र नयाँ संविधान निर्माणकालागि परिवार गुमाएकालाई राज्यले संरक्षण गर्नुपर्ने माग गरेका छन् ।

लोकतन्त्र र संविधानकालागि सिन्दुर पुछेका महिलालाई  राज्यले अभिभावकीय भुमिका खेल्नुपर्ने भएपनि अहिलेसम्म त्यस्तो अनुभव गर्न नपाएको उनीहरुले गुनासो गरे ।

नागरिकको घरदैलोसम्म पुगेर विकास योजना बनाउने स्थानीय निकायले समेत योजना तर्जुमा र बजेट विनियोजनमा द्वन्द्वपीडितलाई विभेद गरेको महिलाले दुखेसो पोखे ।

पटक पटक माग गर्दा पनि महिला, दलितलगायतको प्रतिनिधित्व गराउने स्थानीय निकायले जिल्लाका सबै गाविसका टोलदेखि वडा हुँदै गाविस र जिविससम्म पु¥याउने योजना तर्जुमा प्रक्रियामा द्वन्द्वपीडितहरुलाई  सहभागी नगराएको उनीहरूको भनाइथियो ।   यसले गर्दा द्वन्द्वबाट प्रभावितहरूका समस्या समाधान र आवश्यकता पुर्ति गर्ने खालका विकास योजनाहरू बन्न नसकेको र जनजीवन सुधार्न नसकेको उनीहरूले  गुनासो गरे  ।

युएसआइडीको सहयोगमा केयर नेपाल र नमूना एकिकृत विकास परिषदले रुपन्देहीमा आयोजना गरेको सहभागितामुलक योजना तर्जुमा प्रक्रियासम्बन्धी अभिमुखीकरण कार्यक्रममा  द्वन्द्वप्रभावित महिलाले यस्तो गुनासो गरेका हुन् ।

सहभागितामुलक योजना तर्जुमा प्रक्रियामा द्वन्द्व प्रभावितहरूको क्षमता अभिवृद्धि गर्ने उद्देश्यले कार्यक्रमको आयोजना गरिएको हो ।
कार्यक्रममा स्थानीय निकायमा सुशासन प्रवद्र्धन गर्न गठन गरेको वडा नागरिक मञ्चमा समेत आफूहरू सहभागी नगराएको द्वन्द्वपीडित महिलाहरुले दुखेसो गरे । यसले गर्दा स्थानीय निकायका हरेक क्रियाकलापमा पछाडि परेको र समाजमा आफ्नोे पहिचान गुमेको उनीहरुले बताए ।  यसकालागि अविलम्ब वडा नागरिक मञ्चमा द्वन्द्वपीडितको सहभागिता गराउनुपर्ने माग  उनीहरूले गरे ।

स्थानीय शान्ति समिति रुपन्देहीका अध्यक्ष ज्ञानु पौडेलले स्थानीय संरचनामा द्वन्द्व प्रभावितहरूको प्रतिनिधित्व बढाउने र स्थानीय बजेट विनियोजनलाई व्यवस्थित गर्न द्वन्द्व प्रभावितहरूको संलग्नता बढाएर शान्ति निर्माण प्रक्रियालाई सहयोग गर्नुपर्ने बताउनुभयो । यसकैलागि अभिमुखीकरण कार्यक्रम गरिएको  उहाँले बताउनुभयो । कार्यक्रममा रुपन्देहीका १५ गाविस तथा नगरपालिकाका द्वन्द्व प्रभावितको सहभागिता थियो ।

प्रकाशित मिति :२०७२ मस‌िंर २२ गते म‌ंगलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: