महिलाका लागि आएको बजेट भौतिक विकास खर्च


प्रकाशित मिति :2015-12-11 14:47:22

महिला खबर

धनगढी, मंसिर २५ । नेपाल सरकारले विभिन्न अल्पसंख्यक तथा पछाडी पारिएका वर्ग र समुदायको सशक्तिकरणको लागि छुट्टै बजेट तर्जुमा गर्दै आएको छ । त्यसैगरी महिलाको विकास र सशक्तिकरणका लागि पनि बजेट छुट्टयाइन्छ । महिलाको विकास शिर्षकमा वर्षेनी बजेट आउने भएपनि महिलाको क्षेत्रमा खर्च नहुने गरेको यस क्षेत्रका महिला अगुवाले गुनासो गरेका छन् ।

उनीहरूले महिलाको लागि आएको रकम महिलाकोे विकास र शसक्तिकरणको लागि खर्च गर्न समेत जोडदार माग गरे । महिलाको लागि आएको बजेट महिलाको क्षेत्रमा खर्च नभइ अन्यत्र लगानी हुने गरेको उनीहरूको दावी  छ ।

अन्तरपार्टी महिला सञ्जाल कैलालीले धनगढीमा आयोजना गरेको लैङ्गिक बजेट सम्बन्धि छलफलका सहभागीले महिलाको बजेट महिलाको क्षेत्रमा खर्चिनु पर्ने आवाज उठाएका हुन् । छलफलमा सहभागी  राजनीतिकर्मी महिलाले महिलाको लागि छुट्टयाएको १० प्रतिशत बजेट  महिलाको क्षमता विकास र महिला सशक्तिकरणमा खर्च नहुने गरेको ठोकुवा गरे ।

बजेटबारे जानकार महिलालाई नै महिलाको बजेट कहाँ गयो भन्ने जानकारी नहुँदा निरक्षर र निमुखा महिला झन  अधिकारबाट  बञ्चित रहेको उनीहरूले बताए ।

‘महिलाका लागि छुट्टयाएको बजेट कहाँ, कति र केमा खर्च हुन्छ ? हामीलाई थाहा छैन्’ अन्तरपार्टी महिला सञ्जाल कैलालीकी अध्यक्ष निर्मला रिजालले भन्नुभयो ‘अरुलाई कसरी थाहा हुन्छ ?’ महिलाका लागि आएको  बजेट बाटो, विजुली, पानी र सडक बनाउनमा खर्च हुने गरेको बताउँदै उहाँले अब महिलाले आफ्नो नाममा आएको बजेट माग गर्नुपर्ने बेला आएको बताउनुभयो ।

कार्यक्रममा बोल्दै अन्तरपार्टी महिला सञ्जालकी सदस्य गोमा आचार्यले हिंसामा परेका महिलाका लागि पनि शिर्षक दिएर बजेट छुट्टयाइनु पर्ने माग गर्नुभयो ।  त्यसैगरी  अन्तरपार्टी महिला सञ्जालकी सदस्य चुनकुमारी चौधरीले  महिला नाम आएको बजेट माग्न जाँदा  केको लागि चाहियो भनेर उल्टै अपहेलित हुनुपर्ने गरेको दुःखेसो पोख्नुभयो ।

कार्यक्रममा बोल्दै दलित महिलाले अरुभन्दा दलित महिला हिंसामा पर्ने गरेकाले दलित महिलाको क्षमता र चेतना अभिवृद्धिका लागि बजेट आउनु आवश्यक भएको धारणा राखे ।

प्रकाशित मितिः २०७२ मंसिर २५ गते शुक्रवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: