म्याराथन धावक मिरा राई सम्मानित


प्रकाशित मिति :2015-12-13 13:23:55

महिला खबर

काठमाडौं, मंसिर २७ । किराँत राई खेलकुद संघले तेक्वान्दो खेलाडी तथा म्याराथन धावक रणदीप राई र म्याराथन धावक मिरा राईलाई सम्मान गरेको छ । खेलकुद क्षेत्रमा पु¥याएको योगदानको कदर गर्दै खेलाडी द्वय राईलाई संघले शुक्रबार सम्मान गरेको हो ।

सम्मान कार्यक्रममा म्याराथन धावक मिरा राईले सम्मानले उत्साह र ऊर्जा थपेको बताउनुभयो । खेल क्षेत्रमा सफल हुन खेलाडी महिलाले संघर्ष धेरै गर्नुपर्ने अवस्था कायम रहेकोले प्रोत्साहन गर्नु आवश्यक रहेको उहाँले बताउनुभयो । सम्मानित खेलाडी रणदीप राईले खेलाडीलाई यस्ता सम्मानले खेल क्षेत्रमा लागिरहन प्रोत्साहन मिल्ने बताउनुभयो । उहाँले आफू सम्मानित हुन पाउँदा खुशी लागेको बताउँदै आगामी दिनमा पनि खेल क्षेत्रमा योगदान दिन थप जिम्मेवार बनाएको बताउनुभयो ।

a5e0ddba-560c-408a-b4dd-269eefb6c06a

कार्यक्रमका प्रमुख अतिथि किराँत राई यायोख्खाका केन्द्रीय उपाध्यक्ष चन्द्र विक्रम राईले मिरा राईले अल्ट्रा म्याराथन दौड मार्फत नेपाल र नेपालीलाई विश्व सामु चिनाएर राष्ट्र कै नाम उँचो बनाएकोमा गर्व गर्नुपर्ने बताउनुभयो । उहाँले खेलाडीको क्षमता हेरेर राष्ट्रले प्रोत्साहन गरे खेलकुद क्षेत्रमा विश्वलाई चुनौती दिन सक्ने खेलाडीहरू नेपालमा रहेको जिकिर गर्नुभयो ।

कार्यक्रममा किरात राई खेलकुद संघका अध्यक्ष महेन्द्र राईले सम्मान कार्यक्रमले खेलाडीमा उत्साह बढ्ने भएकोले हरेक क्षेत्रका खेलाडीलाई सम्मान गर्नुपर्ने बताउनुभयो । नेपालमा खेलाडीहरूलाई उचित सम्मान तथा प्रोत्साहन नभएकोले खेलबाट खेलाडीहरू विस्थापित हुने क्रम बढेकोले यसलाई कम गर्न, खेलमा सहयोग गर्ने र खेलाडीलाई उत्साह थप्नका लागि किराँत राई खेलकुद संघले विभिन्न खेलका खेलाडीहरूलाई सम्मान गर्ने गरेकोे बताउँनुभयो । सम्मानित खेलाडी रणदीप राईले किराँत राई खेलकुद संघको अक्षयकोषको लागि नगद रु २५ हजार रुपैयाँ संघका अध्यक्ष महेन्द्र राईलाई प्रदान गर्नुभयो ।

प्रकाशित मितिः २०७२ मंसिर २७ गते अाईतवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: